Pałata pradstaŭnikoŭ pryniała ŭ pieršym čytańni papraŭki ŭ zakon ab vajennym stanoviščy

Deputaty pałaty pradstaŭnikoŭ na pasiadžeńni 18 červienia pryniali ŭ pieršym čytańni papraŭki ŭ zakon «Ab vajennym stanoviščy». 

Jak paviedamiŭ ministr abarony Juryj Žadobin, zakonaprajekt skiravany na zabieśpiačeńnie najvažniejšaj funkcyi dziaržavy — abarony jaje suvierenitetu, niezaležnaści, terytaryjalnaj cełasnaści i kanstytucyjnaha ładu. U zakonaprajekcie ŭ jakaści adnoj z patencyjalnych pahroz nacyjanalnaj biaśpiecy zamacoŭvajecca zamach na kanstytucyjny ład. 

Žadobin nahadaŭ, što Biełaruś u adpaviednaści sa statutam ADKB i dahavoram ab stvareńni Sajuznaj diaržavy ŭziała na siabie abaviazacielstvy pa kalektyŭnaj abaronie ad ahresii. U suviazi z hetym unosicca papraŭka, zhodna ź jakoj akt uzbrojenaj ahresii z boku jakoj-niebudź dziaržavy abo hrupy dziaržaŭ, učynieny suprać dziaržavy — udzielnicy ADKB, adnosicca da liku vajennych pahroz Biełarusi. 

Zakonaprajekt prapanoŭvaje ŭstanavić nastupnyja dadatkovyja abaviazki arhanizacyj u pieryjad vajennaha stanovišča:

pravodzić pieraaryjentacyju na vytvorčaść nieabchodnaj dla patreb abarony pradukcyi: pa patrabavańni dziaržaŭnych orhanaŭ prypyniać pracedury ekanamičnaj niepłaciežazdolnaści, admianiać źmienu formy ŭłasnaści abo prypynieńnie svajoj dziejnaści. 

U metach zabieśpiačeńnia vajennaha stanovišča i ŭviadzieńnia vajennaj cenzury zakonaprajektam zamacoŭvajecca zabarona na stvareńnie ŭ pieryjad vajennaha stanovišča novych palityčnych partyj, hramadskich arhanizacyj, a taksama vypusk srodkaŭ masavaj infarmacyi za vyklučeńniem tych, jakija ŭkazany ŭ pieraliku, što vyznačajecca Ministerstvam infarmacyi. 

Zakonaprajekt zamacoŭvaje ŭ jakaści asobnaj miery vyznačeńnie asablivaha paradku vykarystańnia pavietranaj prastory Biełarusi, a taksama ŭskłaści funkcyi takoj prastory na Hienieralny štab Uzbrojenych sił. 

U razmovie z žurnalistami Žadobin zaznačyŭ, što zakonaprajekt raspracoŭvaŭsia da abvastreńnia situacyi va Ukrainie, adnak raźvićcio situacyi ŭ joj tolki paćvierdziła nieabchodnaści razhladajemych u Pałacie pradstaŭnikoŭ papravak u zakon ab vajennym stanoviščy.

• 0
• 0
• 0
• 0
• 0
• 0
• 0
• 0