Znajšłosia tłumačeńnie, čamu rasijskija «šachiedy» zalatajuć u Biełaruś
Ekśpierty doŭhi čas nie mohuć dać jasnaha tłumačeńnia, čamu rasijskija «šachiedy» raptam stali rehularna prylatać u Biełaruś. Francuzskija žurnalisty Le Monde nazyvajuć pryčynu, źviarnuŭ uvahu Reform.news.
Ukrainskija vajskoŭcy navučylisia padmianiać kaardynaty rasijskich «šachiedaŭ» i pieranakiroŭvać ich u Rasiju ci Biełaruś. Hetym i tłumačacca pryloty dronaŭ u Biełaruś, piša Le Monde.
Tak, 26 listapada Rasija praviała adzin z samych masiravanych napadaŭ pa Ukrainie z vykarystańniem 188 «šachiedaŭ». USU zajaŭlali, što 76 dronaŭ byli źniščanyja kinietyčnymi srodkami (źniščalniki, viertaloty, ZRK),
a jašče 95 byli adciahnutyja ad svaich celaŭ z dapamohaj padrobki spadarožnikavych kaardynat, jakija vykarystoŭvajucca dronami.
Manitorynhavaja hrupa «Biełaruski Hajun» paviedamlała pra prylot u Biełaruś 17 «šachiedaŭ» u noč na 26 listapada.
Hienštab USU raniej zajaŭlaŭ, što dla baraćby z rasijskimi bieśpiłotnikami vykarystoŭvajucca srodki radyjoelektronnaj baraćby, u tym liku vykarystoŭvajecca tak zvany spufinh — zamiena kaardynat spadarožnikavaj navihacyi GPS. Pabočnym efiektam spufinhu źjaŭlajecca parušeńnie ŭ sistemie dakładnaha času, jakuju vykarystoŭvajuć mabilnyja telefony ŭ režymie aŭtamatyčnaha ŭdakładnieńnia času. Ukraincaŭ papiaredžvali, što padčas pavietranych napadaŭ Rasii praca sistem spadarožnikavaj navihacyi moža parušacca.
Alaksandr Łukašenka tłumačyŭ zaloty ŭ Biełaruś dronaŭ niedaśviedčanaściu karystalnikaŭ. Pavodle jaho słoŭ, u Biełaruś zalatajuć jak ukrainskija, tak i rasijskija bieśpiłotniki.
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść32
Kamientary
Vierahodniej heta sami spadarožniki GPS , padmanvajuć ŭ niejkaj častcy Paleśsia.