Čyrvony Kryž pryznaŭ, što Ukraina znachodzicca ŭ stanie vajny. Jak kažuć zachodnija dypłamaty, heta adkryvaje dźviery dla abvinavačvańniaŭ u vajennych złačynstvach, u tym liku za katastrofu z Boinham-777.
Dakład Čyrvonaha kryža źjaŭlajecca sakretnym, paviedamlaje Reuters.
«Vidavočna, što heta mižnarodny kanflikt, i tamu heta, chutčej za ŭsio, vajennaje złačynstva», — skazaŭ dypłamat adnoj z zachodnich dziaržaŭ u Ženievie.
Mižnarodny Kamitet Čyrvonaha Kryža (MKČK) źjaŭlajecca zachavalnikam Ženieŭskich kanviencyj, jakija ŭstanaŭlivajuć šerah praviłaŭ viadzieńnia vajny.
AAN abapirajecca na mierkavańnie Čyrvonaha Kryža adnosna taho, kali hvałt pieratvarajecca ŭ vajnu.
«U sistemie AAN mienavita MKČK robić takoje vyznačeńnie. Čyrvony Kryž źjaŭlajecca zachavalnikam varot mižnarodnaha humanitarnaha prava», — skazała krynica AAN.
Jak piša Reuters, MKČK nie zrabiŭ nivodnaj publičnaj zajavy z hetaj nahody, kab nie pakryŭdzić ni Ukrainu, ni Rasiju, nazyvajučy kanflikt hramadzianskaj vajnoj ci aktam źniešniaj ahresii.
Adnak Čyrvony Kryž zrabiŭ heta ŭ pryvatnym paradku i prainfarmavaŭ udzielnikaŭ kanfliktu, paviedamili krynicy Reuters.
Vyznačeńnie «vajna» — ci mižnarodnaja, ci hramadzianskaja — źmianiaje hulniu na zakonnych padstavach, bo źjaŭlajucca dva baki ŭ stanie vajny. Jany adkaznyja za vajennyja złačynstvy.
Padazravanyja taksama mohuć być aryštavanyja za miažoj, bo niekatoryja krainy ŭžyvajuć «univiersalnuju jurysdykcyju» da vajennych złačynstvaŭ.
Ciapier čytajuć
Raźviedka ZŠA: Biełaruś stała pieradavym vajskovym płacdarmam Rasii31
Kamientary