Amierykanskija navukoŭcy nazvali čarhovuju datu hibieli čałaviectva
Na vielizarnaj chutkaści da Ziamli lacić hihancki asteroid, jaki moža sutyknucca z našaj płanietaj i razburyć jaje 16 sakavika 2880 hoda.
Jak piša The Daily Mail, takija padliki zrabili amierykanskija navukoŭcy. Asteroid, sutyknieńnie ź jakim pahražaje Ziamli, nosić imia 1950 DA. Šancy na sutyknieńnie aceńvajucca jak adzin da trochsot.
Ab ryzycy z boku asteroida zajavili daśledčyki z Univiersiteta štata Tenesi ŭ ZŠA. Pa ich dadzienych, asteroid dasiahaje adnaho kiłamietra ŭ dyjamietry i, kruciačysia, ruchajecca da Ziamli z chutkaściu 14,5 kiłamietraŭ u siekundu. Kali sutyknieńnie adbudziecca, mahutnaść vybuchu składzie 45 tysiač miehaton traciłu. Sutyknieńnie pryviadzie da hihanckaha vybuchu i cunami, jakija źmieniać klimat ziamnoha šara i źniščać čałaviectva.
Adnak, ličać navukoŭcy, u ziamlan jość jašče dastatkova času, kab praduchilić katastrofu, naprykład, trochi źmianić pavierchniu 1950 DA, što pryviadzie da źniščeńnia niabiesnaha cieła.
Kamientary