Rabotniki Ministerstva zamiežnych spraŭ Biełarusi patłumačyli, pry jakich umovach krevietka i traska mohuć stać biełaruskimi.
«Biełaruś maje prava i mahčymaść frachtavać sudny i vieści marski promysieł, i takaja pradukcyja dazvolenaja da ŭvozu na terytoryju Mytnaha sajuza. Tamu nie treba nijakich uchmyłak z nahody «biełaruskaj krevietki» i «biełaruskaj traski», — pieradaje interfax.by słovy biełaruskich dypłamataŭ.
U viedamstvie raspaviali, što peŭny čas Biełaruś arandavała ŭ Kalininhradzie dva karabli. Jany vychodzili ŭ Atłantyku i łavili tam sieladcoŭ, trasku dy inšyja vidy ryby. Dypłamaty zaklikajuć adroźnivać paniaćci «kraina pachodžańnia tavaru» i «kraina vytvorčaści pradukcyi». Kali na etykietcy pišuć «Zroblena ŭ Biełarusi» — heta značyć, što syravina, u tym liku impartnaja, prajšła hłybokuju pierapracoŭku.
Ciapier čytajuć
Načalnik milicyi Brahina stralaŭ u svaju žonku. Jana cudam vyžyła7
Kamientary