Makiej i Sikorski vykazalisia za chutčejšaje mirnaje ŭrehulavańnie kryzisu va Ukrainie
Kiraŭniki źniešniepalityčnych viedamstvaŭ Biełarusi i Polščy Uładzimir Makiej i Radasłaŭ Sikorski vykazalisia za chutčejšaje mirnaje ŭrehulavańnie kryzisu va Ukrainie.
Na hetym ministry akcentavali ŭvahu ŭ čas sustrečy 28 žniŭnia, jakaja adbyłasia ŭ čas dvuchdzionnaha rabočaha vizitu Uładzimira Makieja ŭ Respubliku Polšča. Na pierahavorach abmierkavany aktualny stan spraŭ u rehijonie, a taksama šerah pytańniaŭ dvuchbakovaha paradku dnia. Kiraŭniki źniešniepalityčnych viedamstvaŭ Biełarusi i Polščy damovilisia ab pradaŭžeńni kantaktaŭ i praviadzieńni asobnaj sustrečy pa prablematycy dvuchbakovych adnosin.
U toj ža dzień prajšli pierahavory Uładzimira Makieja ź vice-premjeram - ministram ekanomiki Respubliki Polšča Janušam Piechačyńskim. U razmovie taksama pryniali ŭdzieł namieśnik ministra zamiežnych spraŭ Katažyna Kacpierčyk i namieśnik ministra ekanomiki Andžej Dycha. Udzielniki pierahavora abmianialisia mierkavańniami ab stanie i pierśpiektyvach dvuchbakovaha handlovaha i inviestycyjnaha supracoŭnictva, a taksama abmierkavali chod padrychtoŭki pasiadžeńnia sumiesnaj biełaruska-polskaj kamisii pa ekanamičnym supracoŭnictvie, namiečanaha na IV kvartał biahučaha hoda ŭ h. Varšavie.
Kiraŭnik biełaruskaha źniešniepalityčnaha viedamstva 29 žniŭnia pravioŭ sustrečy z pradstaŭnikami polskich dziełavych kołaŭ, na jakich razhledžany mahčymaści realizacyi sumiesnych inviestycyjnych prajektaŭ, u tym liku ŭ śfiery pramysłovaj kaapieracyi.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary