U centry sacyjalnaha absłuhoŭvańnia Słucku rabotniki, jakich nichto nia bačyŭ, dahladali za ludźmi, jakich užo nie było na śviecie.
Supracoŭniki Kamiteta dziaržkantrolu padčas pravierki centra sacyjalnaha absłuhoŭvańnia nasielnictva Słucka znajšli «miortvyja dušy». Kantralory, jakija praviarali ananimny zvarot, vyśvietlili, što ŭ arhanizacyi apošnija dva hady pracavali sacyjalnyja rabotniki, jakich nichto z kalektyvu nie viedaŭ u tvar.
Jak kaža viadučy śpiecyjalist Salihorskaha mižrajonnaha Kamiteta dziaržkantrola Dźmitryj Łojka, hetyja ludzi byli pryniatyja na pracu, ale svaich słužbovych abaviazkaŭ nie vykonvali.
— Heta byli hetak zvanyja «miortvyja dušy», jakim, tym nie mienš, naličvaŭsia zarobak i vypłočvalisia premii. Cianam dvuch hadoŭ im było naličana zvyš 11 młn. rubloŭ.
Supracoŭniki Kamiteta dziaržkantrola apytali piensijanieraŭ, jakim centr akazvaje sacyjalnyja pasłuhi, i vyśvietlili, što dapamahajuć im pastajanna zamacavanyja za imi sacyjalnyja rabotniki, i ciaham apošnich hadoŭ ich nichto nie padmianiaŭ. Byli vyśvietleny i hetkija fakty, kali, naprykład, pavodle dakumientaŭ rabotnik centra sacyjalnaha absłuhoŭvańnia dastaŭlaŭ pradukty babulcy, jakaja ŭžo pamierła.
Na hety momant dyrektar dziaržustanovy Śviatłana Akinfiejeva zvolniena. Materyjały pravierki pieradadzienyja va UUS Minabłvykankama. Uzbudžana kryminalnaja sprava pa artykule 210 č. 2 (kradziež šlacham złoŭžyvańnia słužbovym stanoviščam, ździejśnienaja hrupaj lic pa papiaredniaj zmovie).
Ilustracyja — Siarhiej Alimaŭ, seryja «Miortvyja dušy», frahment karciny «Čyčykaŭ, Sielifan i Piatruška», 2000 h., papiera, ałovak. Allabulgallery.com
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1212
Kamientary