Fiederalnaja antymanapolnaja słužba susiedniaj krainy kanstatuje: Biełaruś na fonie charčovaha embarha ŭžo kvitnieje.
Pra heta zajaviŭ ITAR-TASS namieśnik kiraŭnika FAS Rasiei Andrej Cyhanoŭ ŭ kułuarach forumu «M&A trendy ŭ 2014 hodzie» haziety Moscow Times.
Jak skazaŭ jon, Biełaruś va ŭmovach rasijskaha pradembarha pieratvarajecca ŭ «kałasalny centr tranzitu ŭ Rasiju i pierapracoŭki praduktaŭ charčavańnia». Cyhanoŭ ličyć, što aficyjnaja statystyka Biełarusi pa eksparcie i imparcie demanstruje, što za apošnija dva miesiacy źmianilisia handlova-ekanamičnyja adnosiny Biełarusi z susiednimi dziaržavami pa małaku, syrach, miasie, to bok sankcyjnych u Rasii hrupach praduktaŭ charčavańnia. Adnak paŭpłyvać na hetuju situacyju składana i nie vielmi razumna heta rabić dyrektyŭnym sposabam. FAS u hetych umovach analizuje situacyju i naziraje za vykanańniem rasijskaha zakanadaŭstva.
Raniej u šerahu narviežskich ŚMI źjaviłasia infarmacyja, što paśla ŭviadzieńnia Rasiejaj embarha na impart praduktaŭ charčavańnia z šerahu krain, u tym liku syroj ryby, Narviehija naraścili ekspart łasosia ŭ Biełaruś. Tak, pa dadzienych narviežskaj statystyki, za 36-y tydzień 2014 (napačatku vieraśnia) pastaŭki śviežaha łasosia z Narviehii ŭ Biełaruś vyraśli ŭtraja da ŭzroŭniu anałahičnaha pieryjadu minułaha hoda.
Halinovyja ekśpierty śćviardžajuć, što paśla pierapracoŭki ŭ Biełaruś pradukcyja atrymlivaje novy mytny kod i moža ŭvozicca ŭ Rasieju. U žniŭni 2014 rasijskija rybapierapracoŭščyki prasili ŭrad RF pašyryć sankcyjny śpis i ŭnieści ŭ jaho hatovuju rybnuju pradukcyju. Adnak takoje rašeńnie pryniata nie było. Zabarona na ŭvoz u Rasiju klučavych hrup praduktaŭ charčavańnia ŭ adkaz na sankcyi ŭviedziena z 7 žniŭnia ŭ dačynieńni da ES, Narviehii, ZŠA, Kanady, Aŭstralii. Śpis byŭ skarekciravany ŭ dačynieńni da niekatorych hrup 20 žniŭnia. U pryvatnaści, było dazvolena ŭvozić malka dla raźviadzieńnia ryby.
Kamientary