5 samych tannych kvater Minska. Vy ździviciesia, što tak doraha

Dźvie samyja tannyja prapanovy ŭ Minsku kłasičnaj kvateraj nie nazavieš. Adna ź ich — niežyłaja studyja na 12 kvadrataŭ, jakuju možna vyvieści ŭ žyły fond, za $34900. Druhaja — kvatera ŭ cahlanym adnapaviarchovym domie z draŭlanaj prybudovaj na Aŭtazavodskim zavułku za $50100. Tamu ich u śpis nie ŭklučajem.

Kvatera ŭ Minsku, ale jość niuans

Samaja tannaja typovaja kvatera kaštuje $54900.

Stolki prosiać za adnapakajoŭku na 30 kvadrataŭ, jakaja znachodzicca na vulicy Akademika Krasina, 47, što za niekalki kiłamietraŭ ad MKAD, ale farmalna heta Minsk i staličnaja rehistracyja.

Heta kvatera na druhim paviersie piacipaviarchovaha doma.

Pavialičyć

Jość asobnaja kuchnia, kalidor i vanny pakoj z tualetam i vannaj. Uvachodnyja dźviery mietaličnyja, ramont stary, na stoli — kasitony, jakija miescami advalvajucca.

Pavialičyć

Sam dom 1967 hoda pabudovy, cahlany, a ŭ 2022 hodzie pieražyŭ kapramont.

Znoŭ za MKADam

Za $55 tysiač pradajuć adnapakajoŭku ŭ mikrarajonie «Sokał». 

Heta kvatera na čaćviortym paviersie piacipaviarchovika 1989 hoda pabudovy. Ahulnaja płošča — 34,4 mietra.

Pavialičyć

Ramont stary, vokny płastykavyja, jość bałkon, pa jakim vidać, što dom užo paśla renavacyi.

Adnapakajoŭka ŭ Šabanach

Za $58500 pradajuć adnapakajoŭku ŭ Šabanach. Mieścicca jana na piatym paviersie dzieviacipaviarchovaj panelki 1993 hoda pabudovy pa adrasie Bačyła, 7/3.

Ahulnaja płošča kvatery — 33,5 mietra. Vyhladaje, što ramont apošni raz u joj rabili 30 hadoŭ tamu.

Pavialičyć

Tamu da $58500 treba dadać jašče nie adzin dziasiatak na kapitalny ramont i meblu. Navat vokny ŭ hetaj kvatery draŭlanyja, tamu inviestavać daviadziecca šmat.

Ź plusaŭ — heta ŭsio ž taki nie chruščoŭka, a bolš sučasnaje žytło z adnosna vysokimi stolami.

Šabany 2.0

Jašče adna kvatera ŭ biudžecie da $60 tysiač znachodzicca pa susiedstvie ŭ tych ža Šabanach, pa adrasie Sialickaha, 105.

Za adnapakajoŭku na vośmym paviersie dzieviacipaviarchovika 1992 hoda pabudovy prosiać $59 tysiač.

Pavialičyć

Kab zajechać u jaje, taksama daviadziecca šmat ukłaści. Adzinaje, što ŭ adroźnieńnie ad papiaredniaha varyjanta ŭ hetaj kvatery stajać novyja płastykavyja vokny.

Piać chvilin da Śvisłačy

$59 tysiač prosiać za adnapakajoŭku na 25 mietraŭ. Jana znachodzicca pa adrasie Novavilenskaja, 24 (apošni pavierch trochpaviarchovaha doma).

Pavialičyć

Płošča kuchni — usiaho 4,4 mietra. Asnoŭny pakoj — amal na 18 kvadrataŭ. Siarod pieravah pradaviec adznačaje blizkaść da raki Śvisłač, parka i zialonaj zony. Aproč taho, chutka niepadaloku pabudujuć mietro.

• 0
• 0
• 0
• 2
• 2
• 0
• 0
• 0