Novy trenier zbornaj Biełarusi pa chakiei: Ja nie čaraŭnik
«Ja nie čaraŭnik, ja prosta trenier», — zajaviŭ novy hałoŭny trenier biełaruskaj chakiejnaj zbornaj Uładzimir Krykunoŭ paśla padpisańnia kantrakta ź fiederacyjaj pa hetym vidzie sportu 25 vieraśnia.
Krykunoŭ adznačyŭ, što pačynaŭ svoj trenierski šlach u minskim «Dynama». «Pačać i zakončyć u adnym miescy — napeŭna, paśla zbornaj ja ŭžo nidzie nie budu pracavać — heta dobraje zaviaršeńnie karjery. Tolki treba pastaracca dabicca maksimalnaha vyniku», — skazaŭ 64-hadovy nastaŭnik.
Jon padziakavaŭ «kiraŭnictvu krainy» za «akazany davier» i fiederacyi, jakaja spyniła svoj vybar na jaho kandydatury. «18 z 19 śpiecyjalistaŭ prahałasavali za mianie. Pavinny spracavacca dobra. Sistema vybudavanaja, reziervy jość», — adznačyŭ Krykunoŭ.
Trenier paviedamiŭ, što pakidaje pasadu vice-prezidenta kłuba KCHŁ «Niefciechimik» (Nižniakamsk) i poŭnaściu kancentrujecca na pracy sa zbornaj.
Pavodle słoŭ staršyni Fiederacyi chakieja Jaŭhiena Vorsina, uličvajučy deficyt času pierad nastupnym čempijanatam śvietu, pošuk hałoŭnaha treniera zbornaj składvaŭsia niaprosta. FCHRB nie čakała, što kanadziec Hlen Chenłan, ź jakim byŭ padpisany dvuchhadovy kantrakt, pajedzie ŭ Šviejcaryju paśla minskaha ČS. «Ale heta nie značyć, što rašeńnie prymałasia ŭ śpiešcy, — padkreśliŭ Vorsin. — Razhladalisia mnohija kandydatury, i Krykunoŭ byŭ adnym ź pieršych. Jaho ja viedaju z 2001 hoda, kali pieršy raz zaprašaŭ uznačalić nacyjanalnuju kamandu (Vorsin byŭ ministram sportu i turyzmu. — BiełaPAN.). Pryznačeńnie Krykunova — vynik kalektyŭnaha vybaru».
Pavodle słoŭ kiraŭnika FCHRB, Eduard Zankaviec, Andrej Skabiełka i Lubamir Pokavič admovilisia ad prapanovy ŭ suviazi z zaniataściu ŭ kłubach.
Krykunoŭ damoviŭsia ŭ «Naftachimiku», što pakidaje pasadu vice-prezidenta.
Novamu trenieru zbornaj nie patrebien čas dla aznajamleńnia ź biełaruskim chakiejem i znajomstva z hulcami, padkreśliŭ Vorsin.
Ciapier čytajuć
Andrej Švied, architektar represij, pryznačany staršynioj Viarchoŭnaha suda20
Kamientary