Dla pažyłych ludziej strata zdolnaści adroźnivać pachi źjaŭlajecca mocnym prahnastyčnym faktaram śmierci.
Tak śćviardžajuć amierykanskija navukoŭcy ŭ svaich vysnovach, apublikavanych u časopisie PLoS One. Pavodle ich dadzienych, za 5 hadoŭ pamierła 39% udzielnikaŭ daśledavańnia z tych, chto nie prajšoŭ najprosty test na pachi. Siarod tych, jakija vyjavili zdarovy niuch, hety pakazčyk skłaŭ usiaho 10%.
U 2005-2006 hadach daktary dali 3005 pažyłym amierykancam (ahulnanacyjanalnaja vybarka, uzrost 57-85 hadoŭ) test na raspaznavańnie piaci zvyčajnych pachaŭ (miaty, ryby, apielsina, ružy i skury). Bolšaść respandentaŭ (78%) pravilna vyznačyła 4-5 pachaŭ, 20% — 2-3, 3,5% — adzin ci nivodnaha.
Praz 5 hadoŭ navukoŭcy viarnulisia da ludziej, što prajšli test. Da taho času pamierła 430 čałaviek — 12,5% ad pieršapačatkovaj vybarki. Z papraŭkaj na demahrafičnyja faktary (uzrost, poł, rasa, uzrovień adukacyi i dachodaŭ, ahulny stan zdaroŭja) śmiarotnaść siarod asobaŭ z asłablenym niucham (na 2005-2006 hady) akazałasia istotna vyšejšaj.
Kamientary