Lavon Barščeŭski, novy staršynia Partyi BNF, padvioŭ vyniki vybaraŭ kiraŭnictva. Na pres-kanferencyi jon zajaviŭ, što “vybary kiraŭnictva atrymali niečakanuju raźviazku. Partyja zmahła paźbiehnuć raskołu. Usie žarści ŭ minułym, i treba praciahvać pracu.”
Jak zajaviŭ Barščeŭski, paśla vybaraŭ jamu telefanavali ludzi, jakija adyšli ad spravaŭ Narodnaha Frontu paśla raskołu ŭ 1999-m, i vykazvali žadańnie iznoŭ dałučycca da Partyi. “Mnie telefanavali ludzi ź Lidy, Miensku, Horadni, Mastoŭ, kab viarnucca da nas. I źviazana heta nie z majoj asobaj, a ź pieraadoleńniem raskołu”.
Novaje kiraŭnictva Partyi, na dumku Barščeŭskaha, davoli maładoje pa składzie, što stanoŭča adabjecca na jaje dziejnaści. “Ja – samy stary ŭ kiraŭnictvie, a mnie jašče i 50-ci niama. I moładź prysutničaje nia tolki ŭ kiraŭnictvie, značnuju rolu hraje i Moładź BNF. Heta važna dla ŭsich nas”.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary