Prychilniki dziejučaha prezidenta Balivii Eva Maralesa i jaho partyi «Ruch da sacyjalizmu» pačali śviatkavać pieramohu svajho kandydata na ŭsieahulnych vybarach, što adbylisia ŭ niadzielu.
Na centralnych płoščach horada Ła-Pas, u haradach Santa-Krus i Kačabamba sabralisia tysiačy prychilnikaŭ prezidenta i jaho ruchu.
Pa dadzienych apytańniaŭ na vychadzie z vybarčych učastkaŭ, Marales atrymlivaje pieramohu, sabraŭšy hałasy 61% vybarščykaŭ.
Akramia taho, vyniki exit polls śviedčać ab tym, što «Ruch da sacyjalizmu» zachavaŭ bolšaść u Sienacie i Pałacie deputataŭ krainy.
Heta ŭžo treci zapar prezidencki termin Eva Maralesa — pieršaha ŭ historyi krainy pradstaŭnika karennaha naroda Balivii, jaki staŭ prezidentam.
Padtrymku Maralesu siarod vybarščykaŭ zabiaśpiečyli ekanamičny rost krainy paśla 2006 hoda, kali jon zaniaŭ prezidencki fatel.
Eva Marales nakiroŭvaje značnuju častku dachodaŭ ad handlu pryrodnym hazam, jakim bahataja kraina, na finansavańnie sacyjalnych prahram, budaŭnictva daroh i škoł.
«Heta była sprečka dvuch madelaŭ — nacyjanalizacyi i pryvatyzacyi. Nacyjanalizacyja pieramahła ź pieravahaj u 60%», — zajaviŭ Eva Marales, vystupajučy pierad svaimi prychilnikami z bałkona prezidenckaha pałaca.
Eva Marales nacyjanalizavaŭ asnoŭnyja haliny balivijskaj pramysłovaści — naftavuju i hazavuju. Jon damohsia prykmietnych pośpiechaŭ u baraćbie ź biednaściu, ale časta krytykavaŭsia za niazdolnaść spravicca z karupcyjaj.
-
Hienierał Alaksiejeŭ, u jakoha siońnia stralali ŭ Maskvie, datyčny da katavańnia abaroncaŭ «Azoŭstali». Prakapienka: Sprava budzie daviedziena da kanca
-
U Pieciarburhu prafiesara aryštavali pa abvinavačvańni ŭ dziaržzdradzie, bo publikacyi mahła čytać narviežskaja raźviedka
-
Łaŭroŭ nazvaŭ zamach na hienierała Alaksiejeva sprobaj sarvać pieramovy
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni33
Kamientary