Chłopiec pačaŭ narmalna razmaŭlać i navat ustavaŭ z łožku. Jaho maci atrymała dyjahnaz i rychtuje zajavu ŭ prakuraturu. A ranicaj da Chviedaruka sprabavali prarvacca betešniki.
Źmicier Chviedaruk pastupova papraŭlajecca. Chłopiec pačaŭ narmalna razmaŭlać i navat ustavaŭ z łožku.
Pra heta Jeŭraradyjo paviedamiŭ viadomy palityk Pavieł Sieviaryniec, jaki siońnia rankam naviedaŭ paciarpiełaha ŭ 9‑j minskaj lakarni.
«Jašče nočču Źmicier moh havaryć tolki šeptam. Siońnia jon užo narmalna razmaŭlaje, navat ustavaŭ adzin raz.
Ranicaj da jaho sprabavali prarvacca reparciory BT, ale maładafrontaŭcy, jakija dziažurać kala Chviedaruka, ich nie puścili. Paśla BTešniki, vierahodna, pajšli zdymać lekaraŭ».
Sieviaryniec paviedamiŭ, što Chviedaruku vydali na ruki jaho dyjahnaz, i ciapier jaho maci rychtuje zajavu ŭ prakuraturu z prośbaj razabracca ŭ dziejańniach milicyjantaŭ.
Nahadajem, učora siłaviki žorstka razahnali apazicyjnuju akcyju, prymierkavanuju da pryjezdu Pucina. Źmicier Chviedaruk atrymaŭ čerapna‑mazhavuju traŭmu i mnostva ŭdaraŭ, paśla čaho straciŭ prytomnaść. U lakarniu jaho dastaviła «chutkaja». Milicyjanty taksama źbili i Anatola Labiedźku, staršyniu Abjadnanaj hramadzianskaj partyi.
ZP
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB31
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary