Uzajemadziejańnie z krainami Azijacka-cichaakijanskaha rehijonu dla Rasii źjaŭlajecca stratehičnym i pryjarytetnym napramkam, Maskva pavažaje ahulny pazityŭny i kanstruktyŭny nastroj partnioraŭ u hetym rehijonie, zajaviŭ prezident RF Uładzimir Pucin.
«Dla Rasii ŭzajemadziejańnie z ACR — stratehičny, pryjarytetny kirunak. I vielmi važna, što dla našych adnosin ź pieravažnaj bolšaściu krain rehijonu charakterny ahulny pazityŭny, kanstruktyŭny fon», — skazaŭ Pucin, vystupajučy na dziełavym samicie ATES u Piekinie.
Jon adznačyŭ, što Maskva pavažaje taki nastroj i maje namier rabić usio mahčymaje dla raźvićcia šmatpłanavaha dvuchbakovaha i šmatbakovaha supracoŭnictva z krainami rehijonu.
«Šlach raźvićcia mnohich krain ACR my razhladajem jak paśpiachovy prykład dasiahnieńnia kankurentazdolnaści. Jany vyjšli na pieradavyja pazicyi ŭ inavacyjnym siektary, vałodajuć značnymi finansavymi i inviestycyjnymi resursami. I navat va ŭmovach niehatyŭnych hłabalnych tendencyj apošnich hadoŭ demanstrujuć dobruju dynamiku, tolki trochi źniziŭšy tempy rostu», - skazaŭ prezident RF.
ACR abjadnoŭvaje 58 krain, jakija raźmiaščajucca pa pierymietry Cichaha akijana.
Ciapier čytajuć
Mikoła Statkievič pavinšavaŭ biełarusaŭ z Dniom Voli, zapisaŭšy pieršaje VIDEA paśla vyzvaleńnia6
Kamientary