Rasijski internet-hihant Mail.Ru Group nabyŭ biełaruski prajekt MAPS.ME. Ciapier kartahrafičny siervis budzie intehravany ŭ prajekt My.co.
Suma ŭhody nie nazyvajecca. Kamanda MAPS.ME, jakaja dahetul pracavała ŭ Minsku, pierajedzie ŭ Maskvu. Stvaralnik inšaha kartahrafičnaha siervisa vykazaŭ RBK mierkavańnie: MAPS.ME moh kaštavać 30 młn dalaraŭ.
Pakupka MAPS.ME — užo druhaja pakupka bujnoha biełaruskaha IT-prajekta za miesiac.
Na minułym tydni biełaruskuju kampaniju Apalon nabyŭ amierykanski internet-hihant IAC. Suma toj pakupki aceńvałasia ŭ 80—100 młn dalaraŭ.
Pieršaja viersija mabilnych kartaŭ MAPS.ME, tady jašče pad nazvaj Maps With Me, vyjšła ŭ 2011 hodzie. Z taho času prahramu ŭstalavali bolš za 7 miljonaŭ karystalnikaŭ Android i iOS. Prahrama maje jak biaspłatnuju viersiju z bazavaj funkcyjanalnaściu, tak i Pro-viersiju za 5 dalaraŭ z dadatkovymi funkcyjami, u tym liku prakładańniem maršrutaŭ.
***
MAPS.ME vykarystoŭvaje karty prajektu Open Street Map — suśvietnaj karty, jakuju napaŭniajuć sami karystalniki pa pryncypie, padobnym da Vikipiedyi. Prahrama biełarusaŭ dazvalaje zahruzić kartu na smartfon ci płanšet i karytsacca joj navat pry adsutnaści internetu. MAPS.ME moža pachvalicca prostym interfejsam i vysokaj chutkaściu zahruzki.
Suzasnavalnik MAPS.ME Jury Mielničak nazyvaje supracu z Mail.ru idealnym varyjantam. «Kampanija padzialaje naš pohlad na adkrytyja źviestki i ich rolu ŭ raźvićci infarmacyjnych technałohij», — kaža jon u pres-relizie. Jon ličyć, što mnohamiljonnaja aŭdytoryja Mail.ru i My.com pa ŭsim śviecie dazvolić značna palepšyć pradukt.
Kamientary