Расійскі інтэрнэт-гігант Mail.Ru Group набыў беларускі праект MAPS.ME. Цяпер картаграфічны сервіс будзе інтэграваны ў праект My.co.
Сума ўгоды не называецца. Каманда MAPS.ME, якая дагэтуль працавала ў Мінску, пераедзе ў Маскву. Стваральнік іншага картаграфічнага сервіса выказаў РБК меркаванне: MAPS.ME мог каштаваць 30 млн даляраў.
Пакупка MAPS.ME — ужо другая пакупка буйнога беларускага IT-праекта за месяц.
На мінулым тыдні беларускую кампанію Apalon набыў амерыканскі інтэрнэт-гігант IAC. Сума той пакупкі ацэньвалася ў 80—100 млн даляраў.
Першая версія мабільных картаў MAPS.ME, тады яшчэ пад назвай Maps With Me, выйшла ў 2011 годзе. З таго часу праграму ўсталявалі больш за 7 мільёнаў карыстальнікаў Android i iOS. Праграма мае як бясплатную версію з базавай функцыянальнасцю, так і Pro-версію за 5 даляраў з дадатковымі функцыямі, у тым ліку пракладаннем маршрутаў.
***
MAPS.ME выкарыстоўвае карты праекту Open Street Map — сусветнай карты, якую напаўняюць самі карыстальнікі па прынцыпе, падобным да Вікіпедыі. Праграма беларусаў дазваляе загрузіць карту на смартфон ці планшэт і карытсацца ёй нават пры адсутнасці інтэрнэту. MAPS.ME можа пахваліцца простым інтэрфэйсам і высокай хуткасцю загрузкі.
Сузаснавальнік MAPS.ME Юры Мельнічак называе супрацу з Mail.ru ідэальным варыянтам. «Кампанія падзяляе наш погляд на адкрытыя звесткі і іх ролю ў развіцці інфармацыйных тэхналогій», — кажа ён у прэс-рэлізе. Ён лічыць, што многамільённая аўдыторыя Mail.ru i My.com па ўсім свеце дазволіць значна палепшыць прадукт.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім10
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3232
Каментары