Staršynia Rady BNR źviarnułasia da prezydenta Ŭkrainy z prośbaj nadać zahinułamu na Majdanie Michaiłu Žyźnieŭskamu zvańnie Hieroja Ŭkrainy. Jak paviedamlałasia, zhodna z ukrainskim zakanadaŭstvam, zvańnie Hieroja Ukrainy moža nadavacca tolki hramadzianam krainy. U suviazi z hetym Žyźnieŭski moža stać Hierojem Ukrainy naroŭni ź inšymi achviarami ź Niabiesnaj Sotni tolki tady, kali jamu hramadzianstva nadać jamu paśmiarotna. Nikoli raniej takich vypadkaŭ nie było.
Svoj list Ivonka Surviła pačała z pryhadvańnia niadaŭniaha vizytu Piatra Parašenki ŭ Kanadu, jakali jana vitała jaho pierad budynkam parlamentu: «U svajoj pramovie ja skazała pra salidarnaść narodaŭ śvietu z ukraincami».
Samuju vialikuju płatu za hetuju salidarnaść zapłaciŭ Michaś Žyźnieŭski, nahadvaje Surviła. «Kroŭ, jakuju praliŭ na Majdanie biełarus Michaś Žyźnieŭski — taho ž samaha koleru, što i kroŭ hramadzianaŭ Ukrainy», — piša Surviła.
Michaś Žyźnieŭski zahinuŭ adnym ź pieršych. Heta zdaryłasia na vulicy Hrušeŭskaha ŭ Kijevie.
Narodžany ŭ Homieli, jon žyŭ u Biełaj Cerkvie pad Kijevam. Na Majdanie jon stajaŭ pad biełaruskim i ŭkrainskim ściahami.
Kamientary