Jejnyja pošuki pakul plonu nie dali.
U śpiecyjalnuju analityčnuju hrupu ŭvajšli najbolš padrychtavanyja supracoŭniki. Heta pavinna dapamahčy stvaryć psichałahičny partret prapaŭšaj dziaŭčynki, vyznačyć ałharytm jaje mahčymych pavodzin.
Pavodle vykonvajučaha abaviazki načalnika ŭpraŭleńnia infarmacyi i hramadskich suviaziej MUS Biełarusi Aleha Ślepčanki, z momantu źniknieńnia Iryny Kuželnaj praviedzieny vialiki kompleks apieratyŭna‑pošukavych mierapryjemstvaŭ, jakija, na žal, pakul što nie dali vyniku. Byli apytany sotni ludziej, mahčymyja vidavočcy. Da pošuku pryciahnuty supracoŭniki milicyi, kursanty akademii MUS, a taksama vajennasłužačyja, leśniki, palaŭničyja. Adpracavana terytoryja nie tolki Łahojskaha rajona, ale Minskaj vobłaści i stalicy. Pravierany prylehłyja dačnyja masivy. Amal 10 čałaviek byli pravierany na detektary chłuśni. Taksama pravierana mahčymaje dačynieńnie da źniknieńnia, u pieršuju čarhu asob, jakija raniej byli sudzimyja za złačynstvy adnosna niepaŭnaletnich. Bolš taho, apytany svajaki dziaŭčynki, u tym liku tyja, jakija pražyvajuć u Rasii.
Aleh Ślepčanka adznačyŭ, što milicyja nie źbirajecca stavić kropku ŭ pošukach. Ciapier hałoŭny akcent u rabocie — na analizie ŭsiaho płasta isnujučaj infarmacyi, adpracoŭcy roznych viersij. Mahčyma, dziaŭčynka pajšła z mužčynam, zabłudziłasia, sieła ŭ prachodziačy aŭtobus abo trapiła ŭ darožna‑transpartnaje zdareńnie. U toj ža čas praciahvajucca vyšukovyja mierapryjemstvy, hieahrafija pašyrana da maštabaŭ usioj krainy.
Usie mierapryjemstvy znachodziacca na asabistym kantroli pieršaha namieśnika ministra ŭnutranych spraŭ — načalnika hałoŭnaha ŭpraŭleńnia kryminalnaj milicyi MUS Alaksandra Ščurko. Pravaachoŭnyja orhany nie buduć spyniać hetu rabotu navat u śviatočnyja dni, skazaŭ pradstaŭnik MUS.
Iryna Kuželnaja, 2000 hoda naradžeńnia, vučanica 2‑ha kłasa Białaruckaj siaredniaj škoły Łahojskaha rajona, 23 listapada kala 13.30 pajšła sa škoły, i da hetaha času jaje miescaznachodžańnie nieviadoma.
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty49
Kamientary