15 maja 1994 hoda biesśledna źnikła 13‑hadovaja Kryścina Mary P. Na praciahu bolš za 30 hadoŭ nadzieja znajści maleńkuju błandynku źmianšałasia: palicyja padazravała złačynstva, siamja žyła ŭ nieviadomaści.
Zaraz zdaryŭsia siensacyjny pavarot. Śledčyja, jakija znoŭ uzialisia za hetuju spravu, na hetym tydni znajšli 44‑hadovuju žančynu, vielmi padobnuju na maleńkuju Kryścinu Mary. I sapraŭdy, heta była jana: praz amal 32 hady źniknieńnia jaje znajšli žyvoju, piša Bild.
U dzień svajho źniknieńnia 13‑hadovaja dziaŭčynka ź nievialikaha horada Star-Veli (Aryzona) pajšła ŭ stajniu, dzie byŭ jaje koń. Na joj była biełaja futbołka i jarkija karotkija šorty, jak paźniej adznačyła palicyja ŭ zajavie pra źniknieńnie.
Płakaty ź jaje tvaram byli pa ŭsioj krainie. Niekalki tydniaŭ vałanciory dapamahali ŭ pošukach. Palicyja chutka vykazała zdahadku, što Kryścinu vykraŭ nieznajomy čałaviek na darozie da stajni, bo ŭ sielskaj miascovaści dziaŭčynka adna nie mahła daloka pajści pieššu. A moža, usio było inakš?
Vidavočna, dziaŭčynka žyła ŭ svajakoŭ, a potym syšła: «Ja dumaju, joj nie padabałasia miesca žycharstva i ludzi, ź jakimi jana kantaktavała. Jana ŭciakła. Ja była ŭ šoku i tolki padumała: «O, Boža moj!», — raskazała načalnica palicyi Džejmi Haret u efiry amierykanskaha telebačańnia.
Usie hetyja hady Kryścina Mary P. žyła pad inšym imiem — da hetaha času jana navat stvaryła svaju siamju. Siońnia darosłaja žančyna amal nie ŭspaminaje pra svajo minułaje.
«Jana skazała, što heta było daŭno, heta było minułaje žyćcio», — adznačyła načalnica palicyi.
Ciapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary