U Minsku 15-hadovy padletak ździejśniŭ dva DTZ na skradzienym u baćki aŭtamabili.
Pra heta BIEŁTA paviedamiła kiraŭnik pres-słužby DAI HUUS Minharvykankama Taćciana Charlinskaja.
«Chłopiec, uziaŭšy biez dazvołu ŭ svajho baćki klučy ad aŭtamabila, vyrašyŭ prakacicca pa horadzie i na vulicy Sudmalisa ździejśniŭ najezd na trochhadovaha chłopčyka, jaki razam z mamaj pierachodziŭ darohu pa nierehulavanym piešachodnym pierachodzie. Dzicia było dastaŭlena ŭ balnicu, daktary dyjahnastavali čerapna-mazhavuju traŭmu lohkaj stupieni», — raspaviała Taćciana Charlinskaja.
Kiraŭnik pres-słužby dadała, što razam ź siamjoj darohu pierachodziła jašče adna žančyna ź dziciem.
Jany nie paciarpieli. «Pa śviedčańni vidavočcaŭ, chłopiec znachodziŭsia ŭ mašynie nie adzin. Chto byŭ za rulom, budzie ŭstanoŭlena padčas razboru», — dadała jana.
Kiroŭca sprabavaŭ źbiehčy ź miesca zdareńnia i ŭ dvary doma №2 pa Partyzanskim praśpiekcie urezaŭsia ŭ pryparkavany aŭtamabil.
U žniŭni chłopiec zatrymlivaŭsia za raśpićcio śpirtnych napojaŭ.
«Adkaznaść za niepaŭnaletnich dziaciej u pieršuju čarhu niasuć baćki. I ad taho, jak jany ich vychoŭvajuć, jaki prykład padajuć, nakolki cikaviacca asabistym žyćciom, zaležyć pavodziny dziaciej u hramadstvie. Mnohich prablem možna było b paźbiehnuć, kali b baćki z adkaznaściu padychodzili da vychavańnia dziaciej», — padkreśliła Taćciana Charlinskaja.
Łatvija «pa techničnych pryčynach» zakryła miažu ź Biełaruśsiu12
Kamientary