bymedia.net
Kancern «Biełnaftachim» abviaściŭ ab pieršym u 2015 hodzie pavyšeńni cenaŭ na aŭtamabilnaje paliva: ad 4,4% da 5,1% (u siarednim na 4,7%).
Z 13 studzienia cana bienzinu Ai-92-K5-Jeŭra ŭstalavanaja na ŭzroŭni 11.100 rubloŭ (500, abo 4,7%), bienzinu Ai-95 — 11.900 rubloŭ (500; + 4,4%), dyzpaliva K5 — 12.300 (600; + 5,1%), «Narmal-80» — 10.000 (450; + 4,7%).
Roźničnyja ceny na aŭtamabilnaje paliva «častkova praindeksavanyja ŭ suviazi z rostam kursu dalara da biełaruskaha rubla», havorycca ŭ paviedamleńni kancerna. Pierahlad cenaŭ zrobleny taksama «ŭ suviazi z rostam cany rasijskaj nafty dla biełaruskich NPZ pry uviadzieńni z 1 studzienia 2015 padatkovaha manieŭru ŭ Rasijskaj Fiederacyi».
Papiaredniaje pavyšeńnie roźničnych cen na paliva adbyłosia 1 kastryčnika 2014 hoda.
Darečy, ciapier žychary pamiežnych z Rasijaj rajonaŭ bolš achvotna zapraŭlajucca ŭ RF, pieravozčyki, što jeduć praź Biełaruś tranzitam, taksama pierastali nabyvać paliva na našych zapraŭkach. Paliva ŭ Rasii ciapier kaštuje na 40% tańniej.
Pavodle niekatorych źviestak, prodažy paliva ŭ Biełarusi ŭpali na 30%.
-
Litoŭski viaskovy padvorak na miažy ź Biełaruśsiu vyhladaje, jak aŭtasałon pa prodažy premijalnych aŭto VIDEA
-
Pišuć listy aŭtavytvorcam i ŭ litoŭskuju mytniu. Sotni biełarusaŭ čakajuć padsankcyjnyja aŭto z ZŠA
-
U Biełarusi źmianili praviły ŭvozu aŭto z krain JEAES. Niekatorym pakupnikam daviadziecca dapłacić nie małyja hrošy
Kamientary