Navapołackija pravaachoŭnyja orhany spajmali złodziejaŭ, jakija pranikali ŭ kvatery cieraz… elektraličylniki. Niedalnabačnaściu architektaraŭ prydźvinskija lichadziei karystajucca nie ŭpieršyniu.
Złodziei vyciahvali ščyt, na jakim macavalisia ličylniki, ź nišy, prabivali taniutkuju pieraharodku j praz atrymanuju dzirku zabiralisia ŭ kvateru. Ahułam na rachunku troch złodziejaŭ — kala tryccaci hetkich złačynstvaŭ. Arudavała hrupa na terytoryi Navapołacku j Połacku ad letašniaha leta. Złavili ich 26 śniežnia na haračym, kali jany vychodzili z padjezdu pa vulicy Maładziožnaj.
Niekalki hadoŭ tamu ŭ Navapołacku ŭžo była spajmanaja złačynnaja «byrahada», jakaja rabavała kvatery ŭ hetki samy sposab. Jak raskazaŭ načalnik kryminalnaha vyšuku navapołackaha HAUS Alaksandar Łubčonak, zatrymanym, kožny ź jakich užo byŭ raniej sudzimy za złačynstvy, źviazanyja z zamacham na majomaść hramadzian, pahražaje ad piaci da dziesiaci hadoŭ pazbaŭleńnia voli.
Pravaachoŭnyja orhany ličać, što hetkija złačynstvy stali mahčymymi z‑za chibaŭ, dapuščanych prajektavalnikami budynkaŭ. Ciapier žychary takich kvater paśpiešliva staviać svaje žytły na syhnalizacyju albo ŭmacoŭvajuć metaličnymi listami ścieny, u nišach jakich raźmieščanyja ličylniki.
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary