Taja samaja rasiejskaja hrupa «RIESO» planuje ŭkłaści 150 młn. eŭra ŭ budaŭnictva roznych abjektaŭ dziełavoj nieruchomaści ŭ Miensku.
19 śniežnia 2007 hoda ŭ Ministerstvie finansaŭ Biełarusi prajšła dziaržrehistracyja źmianieńniaŭ akcyjanieraŭ ZAT «Strachavaja kampanija «AlVieNa».
Na dumku S.Sarkisava, u Biełarusi vielmi spryjalnyja pierśpiektyvy raźvićcia strachavoha rynku. «My ličym, što na siońniašni dzień strachavańnie ŭ Biełarusi ŭ lepšym vypadku asvojena pracentaŭ na 12—15. Heta značyć, jość jašče vielmi značnyja mahčymaści dla rostu. Vielmi vierym, što hety biźnies libieralizujecca, i pryvatnyja kampanii buduć dapuščany da abaviazkovych vidaŭ strachavańnia», — zaznačyŭ S.Sarkisaŭ.
Finansavyja padrabiaznaści staršynia savieta dyrektaraŭ rasijskaj hrupy «RIESO» paviedamlać nie staŭ. «RIESO‑Harantyja» nie publičnaja kampanija, i kuplali my aktyŭ taksama nie ŭ publičnych kampanij, tamu paramietry ździełki nie raskryvajucca i źjaŭlajucca kamiercyjnaj tajnaj», — zaznačyŭ S.Sarkisaŭ.
Jon nahadaŭ, što ŭ hrupu «RIESO» ŭžo ŭvachodzić biełaruskaje ZSAT «Broli». «My vyrašyli vyvodzić brend «RIESO» na rynak Biełarusi, kab kansalidavać pad ehidaj «RIESO» dva našyja aktyvy, «Broli» i «AlVieNa». Tamu ich nazvy buduć hučać «Broli — Hrupa RIESO» i «AlVieNa — Hrupa RIESO», — paviedamiŭ S.Sarkisaŭ.
Čakajecca, što dola kampanij «AlVieNa» i «Broli», jakija naležać rasijskaj hrupie «RIESO», na strachavym rynku Biełarusi da kanca 2008 hoda pavialičycca ź ciapierašnich 7,5 % da 12,5 %.
Kampanija «AlVieNa» pracuje na strachavym rynku Biełarusi z 1991 hoda i źjaŭlajecca adnoj ź viadučych strachavych kampanij respubliki.
* * *
«Broli» i «AlVieNa» — najbujniejšyja pryvatnyja strachavyja kampanii Biełarusi.
«RIESO‑Harantyja» — univiersalnaja strachavaja kampanija, što zajmaje lidzirujučyja pazicyi na rasijskim rynku strachavych pasłuh. Stvorana ŭ 1991 hodzie. Kampanija ŭvachodzić u hrupu «RIESO» — dyviersifikavany chołdynh, jaki maje aktyvy nie tolki ŭ halinie strachavańnia (u tym liku ŭ krainach SNH), ale i ŭ halinach miedycynskaha absłuhoŭvańnia, lizinhu, deviełapmienta i kiravańnia aktyvami.
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary