Ars Nova — kłub pa vyvučeńni novych mahčymaściej adkrytych hrafičnych prahram Gimp i InkScape — źbiaruć 18 lutaha aktyvisty «Fałanstera».
Chiba nie kožny choć raz adkryvaŭ na kampjutary hrafičny redaktar Paint. Tyja, kamu patrebnyja surjoznyja instrumienty pracy, vykarystoŭvajuć Adobe Photoshop albo CorelDraw. Praŭda, daloka nie ŭsie płaciać dziasiatki dalaraŭ za dva apošnich.
Amatary adkrytych technałohij z «Fałanstera» chočuć pakazać, što, pa-pieršaje, jość inšyja hrafičnyja prahramy: Gimp dla pracy z rastravaj hrafikaj i InkScape dla pracy ź viektarnaj.
Pa-druhoje, hetyja prahrammy adkrytyja, a značyć, kožny moža karystacca imi biezkaštoŭna, i, kali pajści dalej, dapamahać ich udaskanalvać. Pa-treciaje, heta nie tolki pryłady, ale i supolnaść ludziej, jakim cikava akdryta raźvivać viedy pa hrafičnym pryładam va ŭsim śviecie.
Prahrama z 12 sustreč kłuba paznajemić z bazavami navykami pracy z formami, filtrami, słajami, animacyjaj — u Gimp, ź viektarami, formami dy ich mahčymaściami, trasiroŭkaj, šryftami — u InkScape. Udzielnik kłuba zmoža malavać i apracoŭvać fotazdymki, stvarać łahatypy ci makiety dyzajna.
Padčas pieršaha siezonu kłubu navučency buduć stvarać u svabodnych hrafičnych redaktarach brašuru-dapamožnik pa redahavańni Vikipiedyi pa-biełarusku.
Udzieł u kłubie biezkaštoŭny. Pieršaja sustreča prajdzie 18 lutaha, a 19.00, na bazie «Fałanstera» (vuł. Zacharava 77a, pam. 2B). Sustrečy buduć adbyvacca štosieradu.
Achvočym trapić u kłub treba zapoŭnić ankietu. Pa pytańniach pišycie ŭ formu zvarotnaj suviazi na sajcie «Fałanstera» z paznakaj Ars Nova.
Čytajcie taksama: Minčan navučać stvarać Wi-Fi-sietki dla hramadstva
Kali Kanapackaja stała całkam padkantrolnaja Łukašenku?25
Kamientary