Ukrainski tank, padbity rasijskimi siłami. Fota z Fejsbuka ŭkrainskaha lejtenanta Alaksieja Čabana, jaki vajuje ŭ rajonie Debalcava.
Paśla dvuch tydniaŭ bajoŭ rasijskija siły vyjšli na trasu Debalcava— Arciomaŭsk. Takim čynam, pierarezany šlach zabieśpiačeńnia ŭkrainskaha harnizona ŭ Debalcavie.
Heta zdaryłasia ŭ rajonie Łohvinava i Łaskutoŭki. Praciahvajucca vialikija bai, z abodvuch bakoŭ jość straty ŭ braniatechnicy.
Infarmacyju pra pierarezanuju trasu na svajoj staroncy ŭ Fejsbuku paćvierdziŭ kambat bataljona «Danbas» Siamion Siamienčanka.
Ukrainskija kamandziry vyśviatlajuć adnosiny ŭ Fejsbuku: «Pa-narmalnamu, štabnych mudakoŭ, što praspali ŭvachod praciŭnika ŭ Łaskutoŭku a 6.00 i pačali cialicca tolki paśla abiedu, treba rasstralać. Asobnaja razmova pra našy tanki, što raptoŭna łamajucca. Karaciej. Siepary ŭ Łoskutovkie pieracisnuli trasu. VSU i procidyviersijnaja hrupa «Danbasa» adyšli na zychodnyja. Astatniaje — nie dla FB. Stratehi, vašu mać!» — ekspresiŭna adznačyŭ Siamienčanka.
Ciažka skazać, ci ŭkrainskija vojski majuć stratehiju praryvu akružeńnia. Dakładna nieviadoma taksama, kolki ŭkrainskich bajcoŭ znachodzicca ŭ Debalcavie — značnym čyhunačnym vuźle miž Danieckam i Łuhanskam.
Mapa bajavych dziejańniaŭ z rasijskich krynic.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)