Vialikaja Šanchajskaja ahłamieracyja dasiahnuła nasielnictva ŭ 100 młn čałaviek.
U delcie Janczy raźmieščany miehapolis Šanchaj z nasielnictvam u 24 młn čałaviek, 8-miljonnyja Nantyń i Chančžoŭ dy dva dziasiatki haradoŭ z nasielnictvam zvyš 3 młn čałaviek. Ahułam nasielnictva rehijonu pamieram 200 na 300 km dasiahnuła 100 młn, raspaviadajuć «Viedomosti».
Rehijon staŭ ekanamičnaj stalicaj Kitaja, jaho sumarny VUP pieravysiŭ 1 trłn dalaraŭ (heta ŭsio roŭna mienš za Ńju-Jork) albo 20% VUP Kitaja.
Miascovych žycharoŭ adroźnivaje vysokaja navat pa kitajskich mierkach pracavitaść i «pradprymalnickaja žyłka». Heta možna patłumačyć tradycyjaj vyroščvańnia rysu, što patrabuje ŭvažlivaha dahladu — rabski trud nie pakazvaje efiektyŭnaści, prychodzicca pierachodzić da ŭsio bolš prahresiŭnych sposabaŭ viadzieńnia haspadarki. Ekanamičnyja reformy Kitaja apošnich 40 hod zrabili Šanchaj asabliva pryvabnym dla biźniesu.
Raźvićcio nie spyniajecca i siońnia. Naprykład, na transpartnuju sietku vydatkoŭvajucca šalonyja hrošy: zvyšchutkasnaja čyhunka miž Šanchajem, Nantyń i Chandžoŭ kaštavała 100 młrd dalaraŭ.
Ale harady rehijonu sutykajucca i ź ciažkimi prablemami. Najvialikšaja ź ich — ekałohija. Mnohija kitajskija harady zadychajucca ad smohu. Uvodziacca navat abmiežavańni na ŭjezd aŭtamabilaŭ u bujnyja harady pa numarnych znakach u peŭnyja dni tydnia. Suśvietny fond dzikaj pryrody nazyvaje deltu Janczy najbujniejšaj krynicaj zabrudžańnia Cichaha akijanu.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ156
Kamientary