Siaredniaja zarpłata da 5 młn. rubloŭ była zafiksavanaja ŭ studzieni bolš jak u 12 tysiačach arhanizacyj, śviedčać źviestki aficyjnaj statystyki.
U studzieni rabotniki bolš jak 6,1 tys. arhanizacyj mieli siaredniuju zarpłatu ad 3 da 4 młn. rubloŭ, amal u 5,6 tys. arhanizacyj siaredniaja naličanaja zarpłata znachodziłasia ŭ dyjapazonie ad 4 da 5 młn. rubloŭ. Usiaho ŭ krainie naličvałasia ŭ studzieni prykładna 12,3 tys. arhanizacyj, siaredniaja zarpłata rabotnikaŭ jakich składała mienš za 5 młn. rubloŭ.
Ahulnaja kolkaść arhanizacyj, studzieńskija zarpłaty rabotnikaŭ jakich uličvalisia aficyjnaj statystykaj, uklučała bolš jak 17 tys. jurydyčnych asob (z kolkaściu pracoŭnych 16 čałaviek i bolš).
Takim čynam, rabotniki pryblizna 70% arhanizacyj, jakija ŭličvalisia aficyjnaj statystykaj, mieli zarpłatu mienšuju za 5 młn. rubloŭ u studzieni. Siaredniaja zarpłata prykładna ŭ 10% arhanizacyj znachodziłasia ŭ studzieni ŭ dyjapazonie ad 5 da 6 młn. rubloŭ, siaredniaja zarpłata ŭ 18,6% arhanizacyj składała 6 i vyšej miljonaŭ rubloŭ.
Pry hetym śpiskavaja kolkaść rabotnikaŭ jurydyčnych asob ź siaredniaj zarpłataj zvyš 5 młn. rubloŭ składała ŭ studzieni 1,73 młn. čałaviek. Śpiskavaja kolkaść rabotnikaŭ jurydyčnych asob ź siaredniaj zarpłataj mienšaj za 5 młn. rubloŭ składała ŭ studzieni 1,44 młn. čałaviek.
Usiaho ŭ arhanizacyjach, što ŭličvajucca aficyjnaj statystykaj, pracavała ŭ studzieni bolš jak 3,1 młn. čałaviek.
Nahadajem, naminalnaja siaredniaja zarpłata ŭ studzieni skłałasia na ŭzroŭni maja minułaha hoda i skłała 6 młn. 23,2 tys. rubloŭ. Zhodna z aficyjnym prahnozam, rost realnych dachodaŭ nasielnictva zapłanavany na 2015 hod na 1,1-1,5%. Pry hetym rost pradukcyjnaści pracy zapłanavany na ŭzroŭni 1,5-2%.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim10
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3232
Kamientary