U adnoj ź biełaruskich VNU buduć abaviazkova vučyć kiravać aŭtamabilem
U adnym ź biełaruskich univiersitetaŭ vyrašyli ŭklučyć atrymańnie paśviedčańnia kiroŭcy ŭ prahramu navučańnia. Z takoj inicyjatyvaj vystupiła kiraŭnictva Biełaruskaha dziaržaŭnaha technałahičnaha ŭniviersiteta (BDTU).
Ideju zrabić navučańnie kiravańniu aŭtamabilem asobnaj vučebnaj dyscyplinaj prapanavaŭ ministr lasnoj haspadarki Alaksandr Kulik padčas stratehičnaj narady, pryśviečanaj padrychtoŭcy kadraŭ dla lasnoha kompleksu krainy. Jon zaklikaŭ pierahledzieć adukacyjnyja prahramy, uzmacniŭšy praktyčnuju padrychtoŭku i śpiecyjalnyja pradmiety, nieabchodnyja maładym śpiecyjalistam užo ź pieršych dzion pracy.
Kab pavysić mabilnaść i efiektyŭnaść vypusknikoŭ, ministr prapanavaŭ, kab studenty zakančvali ŭniviersitet užo z paśviedčańniem kiroŭcy. Kiraŭnictva BDTU pastaviła hetaje pytańnie ŭ pryjarytetnyja. U pres-słužbie ŭstanovy paviedamili, što atrymańnie pravoŭ płanujuć uklučyć u navučalnyja płany profilnych fakultetaŭ, choć kankretnyja terminy pakul nie nazyvajucca.
Akramia taho, z 2026 hoda lasnaja haspadarka i fakultet lasnoj inžynieryi płanujuć pierajści na dualnuju formu navučańnia. Jana praduhledžvaje sumiaščeńnie vučoby i pracy: teoryja ŭ VNU budzie spałučacca z praktyčnaj dziejnaściu na pradpryjemstvach-partniorach.
Dla hetaha navučalnyja płany pierahledziać — abjom praktyki pavialičać, a dyscypliny, nie źviazanyja niepasredna z prafiesijaj, skarociać. Da raspracoŭki prahram zmohuć dałučacca i budučyja pracadaŭcy, kab studenty nabyvali navyki, zapatrabavanyja ŭ vytvorčaści.
Dla samich studentaŭ dualnaja sistema daje dadatkovyja pieravahi: apłatnuju praktyku, lahčejšuju adaptacyju da pracoŭnaha miesca i pastupovaje ŭklučeńnie ŭ prafiesijnaje asiarodździe.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ86
Kamientary