Synu Zamiatalina vystavili pazoŭ na sumu bolš za 5,3 młn dalaraŭ

Hienieralnaja prakuratura, jakaja padtrymlivaje abvinavačańnie pa spravie syna Uładzimira Zamiatalina, pradjaviła ŭ sudzie pazoŭ. Kali sud jaho zadavolić, Dzianisu Zamiatalinu i inšym abvinavačanym pryjdziecca spłacić vielizarnuju sumu — bolš za 5,3 młn dalaraŭ.

Dzianis Zamiatalin abvinavačvajecca ŭ ździajśnieńni złačynstva pa č.3 art.233 Kryminalnaha kodeksa Biełarusi. Pavodle dadzienych śledstva, abvinavačany ŭ 2008 hodzie stvaryŭ z tavaryšam złačynnuju hrupu dla viadzieńnia niezakonnaj pradprymalnickaj dziejnaści, jakaja praisnavała da 2010 hoda. Razam ź Dzianisam Zamiatalinym na łavie padsudnych apynulisia jašče šeść čałaviek.

Važna adznačyć, što heta ŭžo druhi sudovy razhlad dadzienaj kryminalnaj spravy. Pieršaje skončyłasia poŭnym apraŭdańniem Dzianisa Zamiatalina. Adnak prakuratura apratestavała apraŭdalny prysud, a kasacyjnaja instancyja pratest zadavoliła pratest i viarnuła spravu na novy razhlad u inšym składzie suda.

Cikavyja padziei adbyvalisia i ź ludźmi, jakija zajmalisia rasśledavańniem spravy Zamiatalina. Adzin ź ich ciapier sam abvinavačvajecca ŭ kryminalnym złačynstvie. Akramia hetaha, u chodzie ŭnutranaj pravierki było vyjaŭlena, što inšy supracoŭnik pravaachoŭnych orhanaŭ, jaki vioŭ kanfiskacyju dokazaŭ padčas pieratrusu, byŭ abvinavačany ŭ składańni niasłušnych pratakołaŭ. Jon byŭ adchileny ad słužby. Adpaviednaja pastanova było pradstaŭlena abaronaj i dałučana da spravy.

Tym časam, na čarhovym sudovym pasiadžeńni starejšy prakuror adździeła Hienprakuratury, jaki pradstaŭlaje ŭ sudzie dziaržaŭnaje abvinavačańnie, vystaviŭ iskavyja patrabavańni da abvinavačanych. Škoda dziaržavie acenieny ŭ 81,3 miljarda rubloŭ (bolš za 5,3 młn dalaraŭ pa ciapierašnim kursie), jakija, na dumku prakurora, pavinny być spahnanyja z Zamiatalina i inšych abvinavačanych. Śledstva ličyć hrupoŭku Zamiatalina adnoj z najbujniejšych łžepradprymalnickich sietak, jakija tolki byli vyjaŭleny pravaachoŭnymi orhanami. Ale i hetym dziejnaść syna ŭpłyvovaha ŭ minułym čynoŭnika nie abmiažoŭvajecca.

U hetym ža sudzie słuchajecca jašče adna kryminalnaja sprava, dzie ŭ jakaści abvinavačanaha fihuruje Dzianis Zamiatalin. Pryčym pa toj ža samaj č.3. art. 233 Kryminalnaha kodeksa Biełarusi (niezakonnaja pradprymalnickaja dziejnaść, spałučanaja z atrymańniem dachodu ŭ bujnym pamiery, učynieny arhanizavanaj hrupaj). Padrabiaznaściaŭ pa druhim pracesie pakul niašmat. Viadoma tolki, što akramia asnoŭnaha abvinavačanaha pa spravie prachodzić jašče troje hramadzian. 

Sam Dzianis Zamiatalin praciahvaje aktyŭna abaraniacca ad vystaŭlenych jamu abvinavačvańniaŭ. Jon, jak i ŭsie jaho susiedzi pa łavie padsudnych, całkam admaŭlaje svaju vinu. Bolš za toje, usie siamiora admovilisia adkazvać na pytańni dziaržabvinavaŭcy.

Hetaje rašeńnie Zamiatalin patłumačyŭ tym, što abvinavaŭca parušyŭ kryminalna-pracesualnuju normu, a mienavita art.241 KPK. Hetym artykułam ustanoŭlena, što ŭ pastanovie ab pryciahnieńni ŭ jakaści abvinavačanaha pavinna być apisana inkryminavanaje złačynstva z ukazańniem času, miesca jaho ździajśnieńnia, a taksama inšych abstavinaŭ, jakija padlahajuć dokazu. Heta patrabavańnie prakuroram było praihnaravana, ličyć Zamiatalin. Paźniej jon patłumačyŭ, što z pastanovy naohuł niezrazumieła, pra jakuju pradprymalnickuju dziejnaść idzie havorka.

Jość u abvinavačanaha pretenzii i da apieratyŭna-vyšukovych dziejańniaŭ śledčych. Zhodna z pratakołami, dałučanymi da spravy, adzin śledčy ŭ adzin i toj ža čas vioŭ nazirańnie ŭ dvuch roznych miescach za roznymi padazravanymi. Zamiatalin raspavioŭ sudu i pra inšyja pracesualnyja parušeńni.

Taksama ŭ abvinavačvańni, sa słovaŭ Zamiatalina, nie adlustravany pakazańni supracoŭnikaŭ tych jurydyčnych asob, jakija nibyta byli ŭciahnutyja ŭ niezakonnyja finansavyja schiemy. A jany ž paviedamili śledstvu ab tym, što z abvinavačanym nie znajomyja i nijakich supolnych spraŭ ź im nie mieli.

Prakuror, u svaju čarhu, začytaŭ zapisy razmoŭ abvinavačanych pa telefonie i ŭ internecie. Zhodna ź imi, abvinavačanyja, nasupierak svaim zajavam, usio ž byli znajomyja z Zamiatalinym i viali ź im spravy.

• 0
• 0
• 0
• 0
• 0
• 0
• 0
• 0