Ździełka znachodzicca ŭ stadyi zaviaršeńnia.
Pavodle jaho słoŭ, u kancy 2007 hoda pieramovy ŭvajšli ŭ praktyčnuju stadyju, a ciapier možna havaryć ab tym, što ździełka znachodzicca ŭ pracesie zaviaršeńnia.
Jak zaznačyŭ I.Procharaŭ, u suviazi z zaklučeńniem hetaj ździełki budzie adkryty pieršy ŭ Biełarusi aŭtahorad «Atłant‑M — Baravaja». Jon raźmieścicca ŭ Minsku pa adrasie: vulica Baravaja, 2 (rajon raźviazki vulica Łahojski trakt — Viciebskaja trasa — Minskaja kalcavaja aŭtadaroha).
Aŭtahorad «Atłant‑M — Baravaja» pakul składajecca z dvuch sučasnych aŭtacentraŭ, jakija pracujuć z markami «Ford» i «KIA» (zamiest «Nissan»). Abodva aŭtacentry hatovy da pryjomu pieršych naviedvalnikaŭ.
Da 2011 hoda MACH «Atłant‑M» płanuje pabudavać na terytoryi aŭtahorada jašče adzin aŭtacentr, pieramovy pa adkryćci jakoha viaducca ź niekalkimi aŭtavytvorcami.
***
Mižnarodny aŭtamabilny chołdynh «Atłant‑M» — najbujniejšaje ŭ SND abjadnańnie kampanij, jakija śpiecyjalizujucca na prodažy, harantyjnym i servisnym absłuhoŭvańni lehkavych i kamiercyjnych aŭtamabilaŭ, pastaŭkach zapčastak. «Atłant‑M» zasnavany ŭ 1991 hodzie ŭ Biełarusi, ciapier vałodaje sietkaj bolš čym z 30 sučasnych aŭtacentraŭ i śpiecyjalizavanych servisnych pradpryjemstvaŭ. Heta adziny chołdynh, jaki pracuje ŭ najbolš bujnych haradach adrazu troch rynkaŭ SND — Rasii, Biełarusi i Ukrainy.
Kamientary