Dekret ab «darmajedach» (stymulavańni hramadzian) u najbližejšy čas pradstaviać Łukašenku
![](http://nashaniva.com/img/w840d4webp1/photos/z_2015_03/tun150308.jpg.webp)
Pra heta ŭ intervju telekanału «Biełaruś 1» zajaviła namieśnik premjer-ministra Biełarusi Natalla Kačanava.
«Dakumient praktyčna ŭ stadyi zaviaršeńnia. Jon dapracoŭvajecca i ŭ bližejšy čas budzie pradstaŭleny kiraŭniku dziaržavy», — skazała vice-premjer.
Jana adznačyła, što siońnia ŭ Biełarusi vialikaja ŭvaha nadajecca sacyjalnaj palitycy. Razam z tym, mnohija niedaaceńvajuć usiaho taho, što robić dziaržava. «Ja liču, što kožny hramadzianin našaj krainy pavinien udzielničać u pakryćci tych vydatkaŭ, jakija dziaržava nakiroŭvaje na sacyjalnuju śfieru», — vykazała svoj punkt hledžańnia vice-premjer.
Adkazvajučy na pytańni karespandenta telekanała, Natalla Kačanava, u pryvatnaści, adznačyła, što siońnia ŭ Biełarusi nie razhladajecca pytańnie ab pavieličeńni piensijnaha ŭzrostu.
«Vy viedajecie padychody našaha kiraŭnika dziaržavy Alaksandra Łukašenki, jaki adnaznačna skazaŭ, što pierahladacca ŭ ciapierašni čas hetaje pytańnie nie budzie», — skazała vice-premjer, adznačyŭšy, što pakul situacyja nie krytyčnaja, jana pad kantrolem. Takim čynam, nieabchodnaści pierahladu piensijnaha ŭzrostu pakul niama.
Kamientary