Ukraina ničoha nie viedała pra pieramovy ŭ Saudaŭskaj Aravii i nie budzie ich pryznavać
Ukraina nie budzie ŭdzielničać u pieramovach pamiž ZŠA i Rasijaj ab spynieńni vajny va Ukrainie na hetym tydni ŭ Saudaŭskaj Aravii. Pra heta zajaviŭ žurnalistam prezident Uładzimir Zialenski padčas bryfinhu z Abjadnanych Arabskich Emirataŭ.
«Ukraina ŭdzielničać nie budzie. Ukraina pra heta ničoha nie viedała. Ukraina rasceńvaje lubyja pieramovy ab Ukrainie biez Ukrainy jak biespaśpiachovyja, i my nie možam pryznać… Nijakich damoŭlenaściaŭ pra nas biez nas», — skazaŭ Uładzimir Zialenski.
Sam jon płanuje ŭ sieradu, 19 lutaha, naviedać Saudaŭskuju Araviju.
Raniej stała viadoma, što ŭ stalicy Saudaŭskaj Aravii 18 lutaha projduć pieramovy pradstaŭnikoŭ Rasii i ZŠA.
Amierykanski bok pradstaviać dziaržsakratar ZŠA Marka Rubia, savietnik prezidenta ZŠA pa nacyjanalnaj biaśpiecy Majk Uołc i śpiecpasłańnik prezidenta ZŠA pa Blizkim Uschodzie Styŭ Uitkaf.
Rasiju na pieramovach pradstaviać ministr zamiežnych spraŭ RF Siarhiej Łaŭroŭ i pamočnik prezidenta RF Jury Ušakoŭ.
Jak paviedamlali ŚMI, ZŠA majuć namier pravieści asobnyja dvuchbakovyja pieramovy z Rasijaj i Ukrainaj, a tolki paśla hetaha sumiesnyja pieramovy z udziełam abodvuch bakoŭ.
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak44
Kamientary