president.gov.by
Z 1 studzienia 2016 h. usie pradprymalniki buduć pracavać u roŭnych umovach. Pra heta zajaviŭ siońnia Alaksandr Łukašenka na naradzie pa pytańniach rehulavańnia i raźvićcia asobnych vidaŭ pradprymalnickaj dziejnaści.
«Bolš adterminoŭki nie budzie! I tak robim vielmi vialikija sastupki», — skazaŭ kiraŭnik dziaržavy, majučy na ŭvazie handal indyvidualnych pradprymalnikaŭ bieź siertyfikataŭ, jakija paćviardžajuć jakaść tavaraŭ.
«Treba iści da cyvilizavanaj formy handlu, — padkreśliŭ Łukašenka. — Heta nienarmalna, kali my biez dakumientaŭ sumkami vozim tavar. Heta navat nas prynižaje».
«Biez dakumientaŭ u Biełarusi nichto pracavać nie budzie! Usio roŭna kaliści treba pierachodzić da hetaj cyvilizacyi. Tym bolš z maimi žorstkimi padychodami», — dadaŭ Alaksandr Łukašenka.
Na dumku kiraŭnika dziaržavy, usio pradprymalniki ŭ krainie pavinny pracavać u roŭnych umovach.
Alaksandr Łukašenka prapanavaŭ indyvidualnym pradprymalnikam abjadnacca i razam padumać nad tym, jak jany majuć namier pracavać z nastupnaha hoda ŭ takich umovach. Kiraŭnik dziaržavy adznačyŭ, što ŭ vypadku nieabchodnaści im budzie akazana dapamoha, u tym liku kredytnymi srodkami Suśvietnaha banka, Banka raźvićcia.
Jak skazaŭ na naradzie premjer-ministr Andrej Kabiakoŭ, bjełaruskija IP zmohuć pradavać tavary lehprama biez dakumientaŭ, jakija paćviardžajuć ich nabyćcio, da 1 studzienia 2016 hoda.
«Praca biez dakumientaŭ praciahvajecca da 1 studzienia 2016 hoda. Paśla 1 studzienia 2016 hoda praca tolki pa dakumientach, — padkreśliŭ Andrej Kabiakoŭ. — Na praciahu hoda roŭnymi častkami za try razy staŭka PDV budzie pavyšacca z 2 da 4».
Kamientary