Biełaruskaja častka telemostu adbudziecca 1 sakavika ŭ mienskim archikatedralnym kaściole Najśviaciejšaj Panny Maryi. Jak adznačana na sajcie kaściołu, techničnaje zabieśpiačeńnie arhanizuje Biełteleradyjokampanija.
Admietnaja padzieja ŭ historyi biełaruskaha kaścioła adbudziecca 1 sakavika. Upieršyniu biełaruskija vierniki atrymajuć mahčymaść źviarnucca praz telemost da Papy Rymskaha Bieniedykta XVI. Biełaruskaja častka telemostu adbudziecca ŭ mienskim archikatedralnym kaściole Najśviaciejšaj Panny Maryi (na zdymku). Jak adznačana na sajcie kaścioła, techničnaje zabieśpiačeńnie arhanizuje Biełteleradyjokampanija.
Telemost z Apostalskaj Stalicaj Arcybiskup Mitrapalit Mienska‑Mahiloŭski Tadevuš Kandrusievič anansavaŭ jašče ŭ śniežni minułaha hodu. Tady, napraŭdu, jašče nie było peŭnaści ŭ hetym. Ciapier užo dakładna viadoma, što takaja značnaja padzieja adbudziecca.
Telemosty Papy Rymskaha tradycyjna adbyvajucca ŭ časie Vialikaha postu. Sioleta most prymierkavany da VI Eŭrapiejskaha dnia studentaŭ universytetaŭ. A 18 hadzinie 1 sakavika Papa Rymski vyjdzie na suviaź ź Mienskam.
Takija telemosty ładziacca štohod, kab u ružancovaj malitvie źjadnać sa Śviatym Ajcom moładź z roznych kutkoŭ śvietu. U hetym hodzie, akramia Biełarusi, u telemoście voźmie ŭdzieł moładź z Rumynii, Italii, Francyi, Hišpanii, Vialikaj Brytanii, ZŠA, Kuby, Brazylii, Meksyki dy Ekvadoru.
Treba adznačyć, što praviadzieńnie takoha telemostu — honar dla viernikaŭ luboj krainy. Naprykład, u Rasiei most apošni raz ładziŭsia ŭ 2006 hodzie i tolki z adnym horadam — Pieciarburham. Prykmietna, što tady tranślacyju arhanizoŭvaŭ taksama Tadevuš Kandrusievič, jaki na toj momant byŭ na čale rasiejskich katalikoŭ. Tranślacyja telemostaŭ zvyčajna dasiažnaja ŭsioj Eŭropie, u tym liku i praź internet. Ciahniecca krychu bolej za 2 hadziny.
Aproč telemostu, u hetym hodzie našych viernikaŭ čakaje jašče adna admietnaja padzieja — vizyt dziaržaŭnaha sakratara Vatykanu. Biełaruskija kataliki spadziajucca, što śledam za hetym u našu krainu pryjedzie Papa Rymski.
-
U Vilni zaviaršajecca restaŭracyja Vostraj bramy. Znakamitaja «Pahonia» na fasadzie kardynalna źmianiła koler
-
Vyjšaŭ pierakład ramana Remarka «U nieba niama ŭlubioncaŭ»
-
Doŭhačakanaje adnaŭleńnie siadziby paplečnika Kaściuški ŭ Vidzach-Łaŭčynskich abiarnułasia zamienaj draŭlanych ścien na kieramzitabieton
Ciapier čytajuć
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3232
Kamientary