Namieśnik ministra justycyi Biełarusi Ihar Tušynski: «Dziŭna, što Eŭrapiejski sajuz nia zmoh praduchilić hetu situacyju».
Ministerstva justycyi Biełarusi rychtujecca pradjavić iski polskim orhanam ułady nakont uronu, paniesienaha biełaruskim bokam u suviazi z zabastoŭkaj polskich mytnikaŭ. Ab hetym zajaviŭ siońnia žurnalistam, adkazvajučy na pytańnie karespandenta BIEŁTA, namieśnik ministra justycyi Biełarusi Ihar Tušynski.
«Idzie prapracoŭka faktury paniesienieha ŭronu, ale ŭžo ciapier vidavočna, što parušany jak minimum try pahadnieńni Biełarusi i Polščy», — skazaŭ namieśnik ministra.
Jon rastłumačyŭ, što niepasredny ŭron panieśli pieravozčyki. Pavodle danych Ihara Tušynskaha, uron ad sutak prastoju adnaho vielikahruznaha aŭtamabila składaje amal $300.
Uron taksama niasie dziaržava jak subjekt mižnarodnaha prava z pryčyny taho, što Polšča nie vykonvaje adpaviednaje pahadnieńnie, skazaŭ namieśnik ministra.
«Akramia taho, atrymalnik hruzu moža admovicca ad pasłuh pieravozčyka, i pieravozčyk stracić rynak», — dadaŭ Ihar Tušynski.
«Dziŭna, što Jeŭrapiejski sajuz nie zmoh praduchilić hetu situacyju», — adznačyŭ jon.
Kamientary