Ciapierašnija pavodziny Rasii mohuć pryvieści da taho, što jana paŭtoryć los Hiermanii paśla Pieršaj i Druhoj suśvietnych vojnaŭ.
Pra heta ministr zamiežnych spraŭ Łatvii, jakaja staršynstvuje zaraz u ES, Edhar Rynkievičs napisaŭ u svaim Tvitary, paviedamlajuć vesti.lv
«Čym bolš ja naziraju za sučasnaj Rasijaj, tym bolš prychodžu da vysnovy, što jana skončyć, jak Hiermanski rejch paśla abiedźviuch suśvietnych vojnaŭ, i ŭžo budzie pozna», — napisaŭ jon.
Tvit Rynkievičsa vyklikaŭ vostruju krytyku ŭ Rasii.
Namieśnik dyrektara departamienta infarmacyi i druku MZS Rasii Maryja Zacharava nahadała, što mienavita ŭ Łatvii štohod maršyrujuć lehijaniery Waffen-SS. «Hetaja kraina nie pa čutkach viedaje, što takoje Treci rejch, tamu nijakim jeŭraramontam SS-saŭskuju simvoliku nia zafarbavać», — adznačyła jana.
Staršynia kamiteta Dziarždumy pa mižnarodnych spravach Alaksiej Puškoŭ ličyć, što na antyrasijskija zajavy ŭładaŭ Łatvii varta adreahavać dziejańniami sankcyjnaha charaktaru jak u dačynieńni da palitykaŭ, tak i ŭ dačynieńni da dziaržavy ŭ cełym.
«Kali čałaviek aficyjna pradstaŭlaje dziaržavu, to dziaržava pavinna nieści adkaznaść za jaho słovy», - padkreśliŭ deputat. — Tut jość ceły šerah mahčymaściaŭ, tamu mnie zdajecca, što my pavinny na heta adkazać. I nie zajavami, a niejkimi krokami, jakija pakažuć, što słovy pavinny mieć canu».
Ciapier čytajuć
Mižnarodny kryminalny sud pačaŭ rasśledavańnie złačynstvaŭ, ździejśnienych režymam Łukašenki25
Kamientary