Ź Biełharada ŭ stalicu Biełarusi prybyła afrykanskaja lvica Kijara.
Pieraadoleŭšy doŭhi šlach, junaja samka pasialiłasia ŭ prastornym valjery i ciapier prachodzić pieryjad adaptacyi, paviedamili «Minsk-Navinam» u zaaparku.
Jak raspaviali supracoŭniki zaaparka, hracyjoznaja drapiežnica naradziłasia ŭ 2023 hodzie, tamu pa mierkach prajda jana jašče padletak. Daroha i źmiena abstanoŭki stali dla žyvioły stresam — u pieršy čas lvica niervavałasia i skaliła zuby. Adnak ciapier, pad pilnym kantrolem śpiecyjalistaŭ, jaje nastroj palepšyŭsia. Dla drapiežnicy raspracavali zbałansavany racyjon i stvaryli ŭsie ŭmovy, kab jana chutčej asvoiłasia na novym miescy.
— Zusim niadaŭna da našaha cudoŭnaha Šerchana pryjechała niaviesta — pryhožaja lvica ź piaščotnymi plamkami na žyvociku, — raspaviała małodšy navukovy supracoŭnik zaaparka Taćciana Sołtysava. — Jašče zusim maładzieńkaja. Ciapier jana pryvykaje da novaj abstanoŭki i da supracoŭnikaŭ, jakija za joj dahladajuć.
Niahledziačy na pieršapačatkovaje chvalavańnie, Kijara pakazvaje spakojny i cikaŭny noraŭ, ź cikavaściu nazirajučy za naviedvalnikami. Ale hałoŭnaja padzieja jašče napieradzie: paśla taho jak adaptacyja zavieršycca, ilvicu paznajomiać ź miascovym karalom źviaroŭ — lvom Šerchanam.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary