Zhoda ad biełaruskaj pop‑śpiavački dy Alaksieja Chlastova atrymanaja žaleznaja.
Zhoda ad biełaruskaj pop‑śpiavački dy Alaksieja Chlastova atrymanaja žaleznaja. Sami artysty na prapanovu ŭziać udzieł u trybjut‑dysku ND adhuknulisia z zadavalnieńniem. I Smołava, i Chlastoŭ abiacajuć zapisać svaje kavery na «dziubielej», jak tolki znojdziecca volnaja časina miž kancertami. Jaki mienavita tvor pieraśpiavajuć pop‑artysty pakul trymajecca ŭ tajamnicy.
Alaksandar Kullinkovič z nahody padrychtoŭki trybjutu radasna ŭzdychaje:
«Urešcie sprava zrušyłasia!».
Svajo bačańnie piesiennaj spadčyny hurta Neuro Dubel prapanavali ŭžo ź dziasiatak vykanaŭcaŭ. Całkam hatovyja pieśni «Pałacu» («Zabi amerykanca»), «Nahual» («Oj da tabajda»), ZigZag (Tanki) dy niekatorych inšych. Skančvajecca praca nad trekami «Husi‑lebiedzi» ad hurta «Jo‑jo», hatovy i «Riezinovyj dom» u vykanańni Źmitra Vajciuškieviča. MP3‑prezentacyja hetaha tvora adbudziecca dniami na TH. Rychtujucca zapisać svaje kavery i «Lapis Trubiackoj», «Krama» i N.R.M., litoŭskaja kamanda IR.
Lider ND tłumačyć, što trybjut robicca «na hramadzkich pačatkach»:
«Damova z studyjaj hukazapisu isnuje ŭžo daŭno, chłopcy z «Osmasu« pahadzilisia padtrymać hetuju ideju. Sam ja ŭ tvorčy praces nia ŭmiešvajusia — kožny sam abiraje kampazycyju, jakuju choča vykanać». Sa słovaŭ muzyki, navat kali pieśni buduć paŭtaracca, hučańnie ŭ ich usio adno budzie roznaje, tamu jon sam z hetaj nahody nie pierajmajecca: «Mnie samomu nadta cikava, jak buduć hučać tyja ž «Tanki« ŭ vykanańni litoŭcaŭ».
U «dziubielej» jašče adna pryjemnaja navina — urešcie adbudziecca kancert‑prezentacyja ich alboma «Stasi» — 17 lutaha ŭ mienskim klubie «Hudvin».
Kamientary