Vytvorčaść vajennaj pradukcyi ŭ RF vyrasła na 15,5% u 2014 h.
Abaronna-pramysłovy kompleks Rasiei pavialičyŭ vypusk pradukcyi na 15,5% u 2014 hodzie, paviedamiŭ sajt urada RF u śpiecyjalnaj daviedcy.
Najbolš aktyŭna ros abjem vytvorčaści radyjoelektronnaj pramysłovaści — na 24%, pastaŭki avijacyjnaj techniki padnialisia na 17,1%, sudabudaŭnictva vyrasła na 14,4%, vytvorčaść bojeprypasaŭ i śpiecyjalnych chimičnych rečyvaŭ — na 13%.
Ahulnaja kolkaść rabotnikaŭ u arhanizacyjach i pradpryjemstvach rasijskaha APK składaje kala 2 młn čałaviek.
Rezkaje pavialičeńnie vypusku na pradpryjemstvach APK RF pačałosia z pačatku 2010-ch u suviazi sa značnym pavyšeńniem dziaržaŭnych vydatkaŭ na raspracoŭku i zakupku novych vidaŭ uzbrajeńnia ŭ miežach Dziaržprahramy pa ŭzbrajeńniach da 2020 hoda. Abjem hetaj prahramy — bolš za 20 trłn rasijskich rubloŭ (kala $700 miljardaŭ).
Adnak rasijskija i zamiežnyja analityki ličać, što ekanamičnyja prablemy i rezkaje paharšeńnie adnosinaŭ pamiž RF i śvietam u suviazi z rasijskaj ahresijaj suprać Ukrainy nie dazvolać vykanać Dziaržprahramu-2020 u patrebnym abjomie i ŭ pryznačanyja terminy.
Ciapier čytajuć
Mikoła Statkievič pavinšavaŭ biełarusaŭ z Dniom Voli, zapisaŭšy pieršaje VIDEA paśla vyzvaleńnia7
Kamientary