Hieneralny sakratar Rady Eŭropy vystupiŭ z admysłovaj zajavaj, u jakoj asudziŭ vykanańnie śmiarotnych prysudaŭ adnosna troch čalcoŭ złačynnaj hrupoŭki — Siarhieja Marozava, Valeryja Harbataha i Ihara Dančanki.
Hieneralny sakratar Rady Eŭropy Tery Devis vystupiŭ z admysłovaj zajavaj, u jakoj asudziŭ vykanańnie ŭ Biełarusi śmiarotnych prysudaŭ adnosna troch čalcoŭ złačynnaj hrupoŭki — Siarhieja Marozava, Valeryja Harbataha i Ihara Dančanki.
«Ja zasmučany upartym namieram biełaruskich uładaŭ izalavać svaju krainu ad Eŭropy, — adznačyŭ Tery Devis. — Hetymi śmiarotnymi pakarańniami jany nibyta hanaracca svaim hrebavańniem čałaviečych kaštoŭnaściaŭ, zvyčajnych dla inšych krainaŭ Eŭropy».
Spadar Devis piša, što Biełaruś nie źjaŭlajecca siabram Rady Eŭropy, u krainach jakoj śmiarotnaje pakarańnie zabaronienaje, ale Biełaruś — siabra AAN, i vykanańnie śmiarotnaha prysudu trom hramadzianam Biełarusi supiarečyć litary i duchu niadaŭniaha rašeńnia Hieneralnaj asamblei AAN, jakaja zaklikała da mižnarodnaha maratoryju na vykanańnie śmiarotnych prysudaŭ.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1515
Kamientary