Hłybockim rajonnym adździełam Śledčaha kamiteta raspačata kryminalnaja sprava ŭ dačynieńni da 29-hadovaha miascovaha žychara, jaki padazrajecca ŭ zabojstvie svajoj žonki. Ab hetym paviedamili va ŭpraŭleńni Śledčaha kamiteta pa Viciebskaj vobłaści.
U chodzie śledstva ŭstanoŭlena, što maładyja muž i žonka znachodzilisia ŭ svarcy, z-za čaho 24-hadovaja žančyna pražyvała ŭ svaich baćkoŭ. Ranicaj 29 krasavika muž pryjechaŭ da žonki i paprasiŭ vyjści na vulicu, kab abmierkavać pytańni asabistaha charaktaru. Pamiž mužam i žonkaj na hlebie reŭnaści ŭźnikła svarka. Spałochaŭšysia, žančyna patelefanavała svajmu znajomamu pa mabilnym telefonie i paviedamiła ab tym, što adbyvajecca. U hety momant muž nanios joj udar nažom, ad jakoha žančyna pamierła. Mužčyna ź miesca złačynstva źbieh.
Śviedkami taho, što adbyłosia stali susiedzi zahinułaj. Miascovyja žychary nieadkładna vyklikali milicyju i chutkuju miedycynskuju dapamohu.
U dačynieńni da padazravanaha Hłybockim rajonnym adździełam Śledčaha kamiteta raspačata sprava pa č.1 art.139 (zabojstva) Kryminalnaha kodeksa Biełarusi. Mužčyna byŭ zatrymany 30 krasavika. Ź im pracujuć śledčyja. Abvinavačany daje pryznalnyja pakazańni.
U siamiejnaj pary dvoje dziaciej. Jany znachodziacca ŭ svajakoŭ.
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć3535
Kamientary