Ukrainskaja raźviedka paviedamlaje, što atrymała ad partnioraŭ, u tym liku amierykanskich i jeŭrapiejskich, infarmacyju pra mahčymuju padrychtoŭku Rasijaj udaru pa Ukrainie z vykarystańniem rakiety «Arešnik». Hetyja źviestki ciapier praviarajucca, paviedamiŭ prezident Ukrainy Uładzimir Zialenski.
Pa słovach Zialenskaha, ciapier nazirajucca prykmiety padrychtoŭki kambinavanaha rakietna-avijacyjnaha ŭdaru pa terytoryi Ukrainy, u tym liku pa Kijevie. Śćviardžajecca, što pry takoj atacy moža być vykarystana zbroja siaredniaj dalokaści. U suviazi z hetym hramadzian prosiać uvažliva reahavać na sihnały pavietranaj tryvohi i pry nieabchodnaści karystacca schoviščami.
Taksama Zialenski padkreśliŭ, što vykarystańnie takoj zbroi i praciah vajny razhladajecca jak pahroza nie tolki Ukrainie, ale i mižnarodnaj biaśpiecy ŭ cełym. Tamu jon źviarnuŭsia da zachodnich partnioraŭ z prośbaj uzmacnić cisk na Rasiju i dziejničać nie paśla faktaŭ atak, a zahadzia — prafiłaktyčna.
Sama ž Ukraina praciahvaje ŭzmacniać supraćpavietranuju abaronu i budzie adkazvać na ataki.
Vučeńni stratehičnych jadziernych sił, što pačała Rasija, — najbujniejšyja ŭ historyi
Dzie «Fłaminha» i nakolki jana efiektyŭnaja? Źjaviŭsia analiz usich viadomych atak našumiełymi ŭkrainskimi rakietami
Łukašenka: Ja nie kažu, što my zaŭtra ŭdarym «Arešnikam» pa Vilni, Varšavie abo Kijevie
Mahčymuju bazu «Arešnika» pad Kryčavam uzmocniena achoŭvajuć kompleksami supraćpavietranaj abarony
Kamientary
hety znoŭ adbielvaje svaich rasiejskich haspadaroŭ - staranna pad kožnym pastom.