U Minsku sud vynies rašeńnie pa spravie 20‑hadovaha žychara stalicy, jaki byŭ abvinavačany ŭ chulihanstvie paśla incydentu kala Viečnaha ahniu na płoščy Pieramohi, piša ahienctva «Minsk-Naviny».
Jak paviedamlajecca, paśla pracy chłopiec, jaki pracuje pradaŭcom, kupiŭ ałkahol i ježu, paśla čaho nočču špacyravaŭ pa horadzie. Ranicaj jon apynuŭsia na płoščy Pieramohi, dzie kinuŭ upakoŭku ad krabavych pałačak ŭ Viečny ahoń, a zatym, zakuryŭšy, strasaŭ tudy ž popieł.
Nieŭzabavie chłopca zatrymali i zaviali suprać jaho kryminalnuju spravu. U sudzie jon pryznaŭ vinu i raskajaŭsia, patłumačyŭšy svaje dziejańni tym, što chacieŭ pahladzieć, jak budzie hareć upakoŭka.
Sud pryznaŭ jaho vinavatym u chulihanstvie — dziejańniach, jakija hruba parušajuć hramadski paradak i prajaŭlajuć vidavočnuju niepavahu da hramadstva. U vyniku jamu pryznačyli štraf u pamiery 50 bazavych vieličyń (2 250 rubloŭ).
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary72
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć3030
Kamientary