U Słucku ludzi zatrymali mužčynu, jaki sprabavaŭ zhvałcić 8-hadovuju dziaŭčynku
Apoŭdni ŭ aŭtorak, 5 maja, u rajonie «Vodakanała» pa vulicy Pijanierskaj u Słucku pjany mužčyna napaŭ na školnicu i chacieŭ jaje zhvałcić.
Napad 30-hadovaha mužčyny na 8-hadovuju dziaŭčynku zaŭvažyŭ jaje adnakłaśnik. Jon pačaŭ kryčać i klikać minakoŭ na dapamohu. Na kryki dziciaci prybiehli ludzi, zatrymali napadnika i patelefanavali ŭ milicyju.
«Na miesca zdareńnia vyjechała śledča-apieratyŭnaja hrupa Vyśvietliłasia, što hramadzianin P. 1985 h.n., sprabavaŭ ździejśnić dziejańni seksualnaha charaktaru ŭ dačynieńni da dziaŭčynki 2007 h. n.», — patłumačyła Nastaśsia Jafremkina, śledčy Słuckaha rajadździeła Śledčaha kamiteta.
Mužčyna znachodziŭsia ŭ stanie ałkaholnaha apjanieńnia. Jon byŭ zatrymany i źmieščany ŭ izalatar časovaha ŭtrymańnia RAUS.
U dačynieńni da zatrymanaha zaviedzienaja kryminalnaja sprava pa č. 3 art. 167 KK — «Hvałtoŭnyja dziejańni seksualnaha charaktaru, učynienyja da zaviedama małaletniaha». Kali vina budzie dakazanaja, to mužčynie pahražaje ad 8 da 15 hadoŭ pazbaŭleńnia voli.
Pakul pryznačany šerah ekśpiertyz u dačynieńni da padazravanaha. Viadziecca pravierka datyčnaści mužčyny da inšych złačynstvaŭ.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary