У Слуцку людзі затрымалі мужчыну, які спрабаваў згвалціць 8-гадовую дзяўчынку
Апоўдні ў аўторак, 5 мая, у раёне «Водаканала» па вуліцы Піянерскай у Слуцку п'яны мужчына напаў на школьніцу і хацеў яе згвалціць.
Напад 30-гадовага мужчыны на 8-гадовую дзяўчынку заўважыў яе аднакласнік. Ён пачаў крычаць і клікаць мінакоў на дапамогу. На крыкі дзіцяці прыбеглі людзі, затрымалі нападніка і патэлефанавалі ў міліцыю.
«На месца здарэння выехала следча-аператыўная група Высветлілася, што грамадзянін П. 1985 г.н., спрабаваў здзейсніць дзеянні сэксуальнага характару ў дачыненні да дзяўчынкі 2007 г. н.», — патлумачыла Настасся Яфрэмкіна, следчы Слуцкага райаддзела Следчага камітэта.
Мужчына знаходзіўся ў стане алкагольнага ап'янення. Ён быў затрыманы і змешчаны ў ізалятар часовага ўтрымання РАУС.
У дачыненні да затрыманага заведзеная крымінальная справа па ч. 3 арт. 167 КК — «Гвалтоўныя дзеянні сэксуальнага характару, учыненыя да заведама малалетняга». Калі віна будзе даказаная, то мужчыне пагражае ад 8 да 15 гадоў пазбаўлення волі.
Пакуль прызначаны шэраг экспертыз у дачыненні да падазраванага. Вядзецца праверка датычнасці мужчыны да іншых злачынстваў.
Цяпер чытаюць
Дзяцей-футбалістаў з Рэчыцы павезлі ў Геленджык па прыфрантавой вобласці Расіі. У аўтобус трапіў беспілотнік55
Каментары