Advakat nastojvała na 8 hadach.
U Minsku sudziać 34-hadovuju Inu Zubovič. Žančynu abvinavacili ŭ zabojstvie 3-hadovaha syna. Jana vinu pryznała.
Prakuror paprasiła adpravić jaje na 25 hadoŭ u kałoniju ahulnaha režymu, paviedamiła BiełTA.
Prakuror paprasiła asudzić jaje na 25 hadoŭ kałonii ahulnaha režymu, paviedamlaje BiełTA. Abaroncy ličać, što žančynie moža być pryznačanaje minimalnaje pakarańnie, jakoje praduhledžvaje sankcyja artykuła, — pazbaŭleńnie voli na 8 hadoŭ. Prysud budzie abvieščany 1 červienia.
Zdareńnie adbyłosia na vulicy Adzincova ŭ Frunzienskim rajonie Minska 28 studzienia. Zubovič, jak pryznałasia, chacieła skinucca razam z synam. Ale jak skinuła dzicia, sama pieradumała.
Syn Uładzisłaŭ naradziŭsia 8 vieraśnia 2011.
Pierad zabojstvam Zubovič napaiła jaho — u ciele chłopčyka znajšli 1,9 pramile ałkaholu. Zatym jana skinuła z bałkona 12-ha paviercha.
Baćka syna vypivaŭ. I kali dziciaci byŭ adzin miesiac, Zubovič vystaviła jaho z domu. Žyła z maci, jakaja i ŭtrymlivała siamju. Ale dzicia šmat chvareła, Ina pracavać nie mahła. I jaje maci praz heta svaryłasia.
Paśla naradžeńnia Ina pazyčyła ŭ siabroŭki 4,5 młn rubloŭ na łožak i kalasku. Damovilisia, što viernie dalarami: u 2011 heta była 1 000 dalaraŭ. Ale nie zmahła addać i praz try hady.
U 2014 pajšła pracavać u sadok. U vieraśni pamyłkova joj naličyli bolš hrošaj. Žančyna imi skarystałasia. Na pracy vyrašyli, što «lišnija hrošy» buduć vyličvać ź jaje zarobku, i za śniežań i studzień jana na ruki ničoha nie atrymała, bo znachodziłasia na balničnym. Heta i padšturchnuła zadumacca pra suicyd. Jana mierkavała, što syn bieź jaje budzie nikomu nie patrebny, tamu zrabiła sprobu suicydu razam ź im.
«Ja chaču pakončyć z saboj. Prašu sud pryznačyć mnie śmiarotnaje pakarańnie», — zajaviła Zubovič na sudzie.
Praŭda, maci žančyny na sudzie raskazała, što dačka sama nie chacieła pracavać.
Prysud budzie abvieščany 1 červienia.
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary