Siaredniaviečny łahier źjavicca siońnia na Vałynskim umacavańni Bresckaj krepaści — la ścien archieałahičnaha muzieja «Bieraście» adbudziecca «Bieraściejskaja majoŭka», paviedamiła zahadčyca filijała Bresckaha abłasnoha krajaznaŭčaha muzieja Śviatłana Ščerba.
U prahramie majoŭki — rycarskija bitvy, kirmaš ramiostvaŭ i fołk-viečaryna. Hości «Bieraściejskaj majoŭki» paznajomiacca z bytam žycharoŭ siaredniaviečnaha horada, naviedajuć manietny dvor, kirmaš ramiostvaŭ i zmohuć pakaštavać bieraściejskaha chleba, vyrablenaha pa recepcie našych prodkaŭ. Siabry kłuba histaryčnaj rekanstrukcyi «Žalezny žołud» i kłuba pa vyvučeńni bajavych mastactvaŭ «Budzinkan» praviaduć bai na roznych vidach zbroi. Adbuducca pakazalnyja vystupleńni łučnikaŭ i kidalnikaŭ sulic (raznavidnaść kidalnaj zbroi). Žadajučyja mohuć paŭdzielničać u staradaŭnich zabavach. Atmaśfieru śviata stvoryć žyvaja fołk-muzyka ŭ vykanańni hrupy Cad Goddeu. Tvorčy kalektyŭ «Bieraściejski zamak» arhanizuje dla žadajučych majstar-kłas pa siaredniaviečnych tancach.
Haściej, jakija pryjduć u siaredniaviečnym stroi, čakaje pryjemny bonus — biaspłatny ŭvachod i ŭdzieł u konkursie «Kaścium z historyjaj». Uznaharodaj pieramožcu, jaki vyznačycca ŭviečary paśla vykanańnia tanca (jaho nazva arhanizatary trymajuć u sakrecie), stanie 1,5-kiłahramovy tort «Bieraście».
Kožny naviedvalnik «Bieraściejskaj majoŭki» atrymaje maršrutny list z zadańniami. Ich možna budzie rašyć, uvažliva aznajomiŭšysia z ekspazicyjaj archieałahičnaha muzieja «Bieraście». Udzielnikam kvestu spatrebiacca nie tolki viedy historyi rodnaha horada, pryjdziecca padklučyć łohiku, niuch i dotyk.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary