Tarhi zamiežnymi valutami na Biełaruskaj valutna-fondavaj biržy z 1 červienia pierachodziać u režym bieśpierapynnaha dvajnoha aŭkcyjonu.
Raniej biržavyja tarhi ŭ Biełarusi pravodzilisia ŭ režymie fiksinhu, pry jakim usie ździełki pa adnoj zamiežnaj valucie ažyćciaŭlajucca pa adnym i tym ža kursie.
U chodzie tarhoŭ u režymie bieśpierapynnaha dvajnoha aŭkcyjonu kursy zaklučanych ździełak mohuć adroźnivacca.
Sfarmavany pa vynikach tarhoŭ siarednieŭzvažany kurs pa dalarach ZŠA, jeŭra i rasijskim rublam budzie vykarystoŭvacca Nacyjanalnym bankam u jakaści aficyjnaha kursu biełaruskaha rubla da hetych valut z dnia, nastupnaha za dniom praviadzieńnia tarhoŭ.
Z ulikam praciahłaści handlovaj siesii z 11.00 da 12.25 (z ulikam pieryjadu zakryćcia) aficyjnyja kursy na sajcie rehulatara buduć publikavacca kala 13.00.
U suviazi z uviadzieńniem režymu bieśpierapynnaha dvajnoha aŭkcyjonu z ulikam asablivaściaŭ jaho funkcyjanavańnia z 1 červienia na biržavym valutnym rynku buduć ździajśniacca tolki ździełki kupli, prodažu zamiežnaj valuty bankami i niabankaŭskimi kredytna-finansavymi arhanizacyjami ad svajho imia i za svoj košt, a taksama ad svajho imia i pa daručeńni klijentaŭ pry abaviazkovym prodažy zamiežnaj valuty.
Ranicaj 1 červienia kursy aficyjnych valut u Biełarusi składajuć:
kurs dalara — 14 890, jeŭra — 16 300, rasijski rubiel — 280,5 biełaruskaha rubla.
Kamientary