Upraŭleńniem Śledčaha kamiteta pa Minsku ŭstanaŭlivajucca akaličnaści zabojstva niezvyčajnaj pryładaj, učynienaha ŭ adnym z rajonaŭ stalicy.
Jak paviedamili va USK pa Minsku, ranicaj 9 červienia ŭ kvatery pamiž pažyłymi mužam i žonkaj pačałasia svarka, padčas jakoj mužčyna nanios svajoj žoncy 1937 hoda naradžeńnia nie mienš jak piać udaraŭ kastrulaj pa hałavie. Ad atrymanych cialesnych paškodžańniaŭ žančyna pamierła na miescy zdareńnia.
Bryhadu chutkaj miedycynskaj dapamohi, a taksama supracoŭnikaŭ pravaachoŭnych orhanaŭ na miesca złačynstva vyklikali susiedzi, jakija pačuli kryki ab dapamozie, što danosilisia z kvatery paciarpiełaj.
Śledčymi va ŭzajemadziejańni z supracoŭnikami milicyi i śpiecyjalistami Dziaržaŭnaha kamiteta sudovych ekśpiertyz praviedzieny ahlad miesca zdareńnia. U dačynieńni da mužčyny 1937 hoda naradžeńnia raspačata kryminalnaja sprava za zabojstva.
Pa kryminalnaj spravie pryznačany ekśpiertyzy, u tym liku psichołaha-psichijatryčnaja ŭ dačynieńni da padazronaha.
Kamientary